ۋكراينا مەن رەسەي ٶكٸلدەرٸ پريپياتتەگٸ كەلٸسسٶزدەردٸڭ العاشقى راۋندىنان كەيٸن ٶز ەلدەرٸنٸڭ استانالارىنا قايتاتىن بولدى. كەلٸسسٶزدە ايتىلعان شارتتاردى سول جاقتا پىسىقتاپ, قايتا جولىعاتىن بولىپ ۋاعدالاستى. بەلتا اگەنتتٸگٸ ۋكراينا پرەزيدەنتٸ كەڭسەسٸ باسشىسىنىڭ كەڭەسشٸسٸ ميحايل پودولياكتٸڭ جۋرناليستەرگە بەرگەن مەلٸمەتٸنە سٷيەنٸپ وسىنداي اقپارات تاراتتى, دەپ حابارلايدى قازاقپارات.
«بٷگٸن ۋكراينا مەن رەسەي دەلەگاتسيياسى كەلٸسسٶزدەردٸڭ بٸرٸنشٸ راۋندىن ٶتكٸزدٸ. ونىڭ نەگٸزگٸ ماقساتى ۋكرايناداعى اتىستى توقتاتۋ جەنە سوعىس قيمىلدارىن تالقىلاۋ بولدى. تاراپتار بەلگٸلٸ بٸر شەشٸمدەر بەلگٸلەنگەن بٸرقاتار باسىم تاقىرىپتاردى انىقتادى. سول شەشٸمدەر بويىنشا قانداي دا بٸر كونسۋلتاتسييالار الۋ ٷشٸن قوس تاراپتىڭ ٶكٸلدەرٸ ٶز ەلدەرٸنٸڭ استانالارىنا قايتادى. سونداي-اق, قوس تاراپ كەلٸسسٶزدٸڭ ەكٸنشٸ راۋندىن ٶتكٸزۋ مٷمكٸندٸگٸن تالقىلادى. سول كەزدەسۋدە بٷگٸنگٸ كەلٸسسٶزدە ايتىلعان مەسەلەلەر بويىنشا ناقتى پراكتيكالاىق شەشٸمدەر قابىلدانۋى مٷمكٸن», - دەدٸ ميحايل پودولياك.
ال رەسەي دەلەگاتسيياسىنىڭ جەتەكشٸسٸ, رف پرەزيدەنتٸنٸڭ كٶمەكشٸسٸ ۆلاديمير مەدينسكييدٸڭ سٶزٸنشە, ەكٸ ەلدٸڭ ٶكٸلدەرٸ تالقىلاناتىن مەسەلەلەر بويىنشا نەگٸزگٸ باعىتتاردى انىقتاعان.
«بٸز ورتاق ۇستانىمداردى بولجاۋعا مٷمكٸندٸك بەرەتٸن كەيبٸر نٷكتەلەردٸ تاپتىق», - دەدٸ رەسەي تاراپىنىڭ ٶكٸلٸ. ونىڭ ايتۋىنشا, تاراپتاردىڭ كەلەسٸ كەزدەسۋٸ بەلارۋس-پولشا شەكاراسىندا ٶتەدٸ.
«رەسەي مەن ۋكراينا بەلارۋستەگٸ كەلٸسسٶزدە بٸرٸن-بٸرٸ تىڭدادى», - دەدٸ جۋرناليستەرگە رەسەي فەدەراتسييياسى دەلەگاتسيياسىنىڭ مٷشەسٸ, رف مەملەكەتتٸك دۋماسىنىڭ حالىقارالىق ٸستەر جٶنٸندەگٸ كوميتەتٸنٸڭ تٶراعاسى لەونيد سلۋتسكيي.
ونىڭ سٶزٸنە قاراعاندا, كەلٸسسٶزدەر بارىسىندا اتىستى توقتاتۋ جەنە دەميليتاريزاتسييا مەسەلەلەرٸ تالقىلانعان.
