ۋكراينا پرەمەر-مينيسترٸ ۆلاديمير گرويسمان كيەۆتەگٸ رەسەيلٸك جۋرناليست اركاديي بابچەنكونىڭ ٶلٸمٸنە رەسەي جاۋاپتى دەپ سانايدى. گرويسماننىڭ پٸكٸرٸنشە, مەسكەۋ ونىڭ "ادالدىعى مەن پرينتسيپشٸلدٸگٸنە" تٶزە الماعان.
"ەلەمگە رەسەي باسقىنشىلىعى تۋرالى ايتقان ۋكراينانىڭ ناعىز دوسى" دەپ جازدى گرويسمان Facebook-تە. ول جازباسىنا بابچەنكونىڭ ەلەۋمەتتٸك جەلٸدە جازعان سوڭعى جازباسىن تٸركەدٸ. وندا بابچەنكو 2014 جىلى 29 مامىر كٷنٸ تٸكۇشاققا جٷك سالماعى اسىپ كەتكەندٸكتەن وتىرماي قالعانىن, ال ول تٸكۇشاقتىڭ سول كٷنٸ ۋكراينا شىعىسىندا قۇلاعانىن ەسكە العان. "قۇداي ساقتادى. ٶمٸرگە ەكٸنشٸ رەت كەلدٸم دەسەم بولادى" دەپ جازعان جۋرناليست. بۇل جازبادان 10 ساعات ٶتكەندە جۋرناليستٸ ٶلتٸرٸپ كەتتٸ.
بابچەنكونىڭ ٶلٸمٸنە كرەملدٸڭ قاتىسى بار بولۋى مٷمكٸن دەگەن بولجامدى مۇنىڭ الدىندا ۋكراينا سىرتقى ٸستەر مينيسترٸ پاۆەل كليمكين دە ايتتى. مينيستر بابچەنكونىڭ رەسەيدەن ٶزٸنە قوقان-لوقى جاساعانى ٷشٸن كەتۋگە مەجبٷر بولعانىن ەسكە سالدى. "ول رەسەيدە دەموكراتييا ورناتۋ ٷشٸن, ۋكراينا ٷشٸن كٷرەستٸ, ەرينە, مەسكەۋ ونى قاشان دا جاۋ كٶردٸ" دەپ مەلٸمدەدٸ نيۋ-يوركتە بۇۇ قاۋٸپسٸزدٸك كەڭەسٸندە سٶيلەگەن كليمكين.
رەسەيلٸك جۋرناليست اركاديي بابچەنكونى كيەۆتە 29 مامىر كٷنٸ كەشكە ٶلتٸرٸپ كەتتٸ. جۋرناليست دٷكەننەن ٷيٸنە قايتىپ كەلە جاتقاندا ارتىنان ٷش رەت وق اتقان. پەتەرٸنٸڭ الدىندا قانسىراپ جاتقان بابچەنكونى ەيەلٸ كٶرگەن. جۋرناليست جەدەل جەردەم كٶلٸگٸمەن اۋرۋحاناعا ەكەتٸپ بارا جاتقاندا كٶز جۇمدى. كيەۆ پوليتسيياسى بابچەنكونىڭ ٶلٸمٸنە جۋرناليستٸڭ كەسٸبي قىزمەتٸ نەمەسە ازاماتتىق ۇستانىمى سەبەپ بولۋى مٷمكٸن دەپ تۇسپالدايدى.
ۋكراينا ٸشكٸ ٸستەر مينيسترلٸگٸ بۇل فاكت بويىنشا "قاساقانا كٸسٸ ٶلتٸرۋ" بابىمەن ٸس قوزعاپ, قاستاندىق جاسادى دەگەن كٷدٸكتٸنٸڭ ىقتيمال سۋرەتٸن جارييالادى.
اندرەي بابچەنكونىڭ ٶلٸمٸنە قاتىستى رەسەي تەرگەۋ كوميتەتٸ دە قىلمىستىق ٸس قوزعادى.
