ۋكراينا مەن رەسەي ٶكٸلدەرٸ 28 ناۋرىز بەن 30 ناۋرىز ارالىعىندا تٷركييادا جٷزبە-جٷز كەزدەسەدٸ. بۇل تۋرالى دەلەگاتسييا مٷشەسٸ, ۋكراينا جوعارعى راداسىنداعى "سلۋگا نارودا" فراكتسيياسىنىڭ جەتەكشٸسٸ داۆيد اراحامييا ايتتى. حاباردى مەسكەۋ ٶكٸلٸ ۆلاديمير مەدينسكيي دە راستادى.
ەكٸ تاراپ تٷركييادا كەزدەسۋگە كەشە ۋاعدالاسقان.
"ۆيدەو تٷرٸندە ٶتكەن كەزەكتٸ كەلٸسسٶزدەر كەزٸندە كەلەسٸ راۋندتى بەتپە-بەت 28-30 ناۋرىزدا تٷركييادا ٶتكٸزۋ تۋرالى شەشٸم قابىلدادىق", - دەپ جازدى اراحامييا Facebook-پاراقشاسىندا.
تٷركييا پرەزيدەنتٸ رەدجەپ ەردوعان مەن رەسەي پرەزيدەنتٸ ۆلاديمير پۋتيننٸڭ كەلٸسسٶزدٸ ستامبۋلدا ٶتكٸزۋگە ماقۇلداسقانى كەيٸننەن بەلگٸلٸ بولدى. مۇنى تٷرٸك پرەزيدەنتٸنٸڭ كەڭسەسٸ حابارلادى. "ەڭگٸمە كەزٸندە پرەزيدەنت ەردوعان جانجالدى توقتاتىپ, رەسەي مەن ۋكراينا اراسىندا تەزٸرەك بٸتٸم جاساۋ كەرەكتٸگٸن ايتتى",- دەيدٸ انكارا مەلٸمدەمەسٸندە.
ۋكراينا مەن رەسەي ٶكٸلدەرٸ العاش رەت بەلارۋس جەرٸندە جٷزبە-جٷز كەزدەسكەن. ونان كەيٸنگٸ كەزدەسۋلەردە دە ەكٸ جاق مەمٸلەگە كەلە الماعان.
24 اقپاندا پرەزيدەنت ۆلاديمير پۋتيننٸڭ جارلىعىمەن رەسەي ەسكەرٸ ۋكرايناعا باسىپ كٸرگەن.
