23 ماۋسىمدا بريۋسسەلدە ٶتكەن ەۋروپا وداعى سامميتٸ ۋكراينا مەن مولدوۆاعا وداق مٷشەلٸگٸنە كانديدات ستاتۋسىن بەرۋ جٶنٸندە شەشٸم قابىلدادى. بۇل تۋرالى ليۋكسەمبۋرگ پرەمەر-مينيسترٸ كساۆە بەتتەل مەن ەۋروكەڭەس باسشىسى شارل ميشەل حابارلادى.
ۋكراينا پرەزيدەنتٸ ۆلاديمير زەلەنسكيي سامميتتٸ قۇپتاپ, ونى ۋكراينا مەن ەۋرووداق اراسىنداعى ەرەكشە سەت دەپ اتادى. ال ۋكراينانىڭ ەۋرووداقتاعى ەلشٸسٸ ۆسەۆولود چەنتسوۆ Reuters اگەنتتٸگٸنە: بۇل شەشٸم - "مەسكەۋگە ۋكراينا مەن بۇرىنعى سوۆەت وداعى [قۇرامىندا بولعان] ەلدەردٸڭ رەسەيدٸڭ ىقپال ايماعىنا جاتپايتىنىن بٸلدٸرگەن بەلگٸ" دەپ مەلٸمدەگەن.
ەۋروپا كەڭەسٸ باسشىسى شارل ميشەل ەۋرووداق سامميتٸ گرۋزييانىڭ "ەۋروپالىق بولاشاعى" بارىن مويىنداپ, گرۋزييا بٸرقاتار شارتتى ورىنداعاننان كەيٸن ەۋروپا وداعى بۇل ەلگە دە كانديدات ستاتۋسىن بەرۋگە ەزٸر ەكەنٸن مەلٸمدەدٸ.
23 ماۋسىمدا ەۋروپارلامەنت ۋكراينا مەن مولدوۆاعا ەۋروپا وداعى مٷشەلٸگٸنە كانديدات ستاتۋسىن بەرۋ تۋرالى قارار قابىلدادى. ەۋروپارلامەنتتٸڭ 529 دەپۋتاتى قاراردى قولداپ, 45 دەپۋتات قارسى داۋىس بەردٸ.
ۋكراينا مەن مولدوۆا بۇعان دەيٸن باتىس بالقان ەلدەرٸ مەن تٷركيياعا بەرٸلگەندەي كانديدات ستاتۋسىنا يە بولدى, بٸراق بۇل ەكٸ ەلمەن كەلٸسسٶز جەمقورلىقپەن كٷرەس جەنە زاڭ ٷستەمدٸگٸن نىعايتۋعا بايلانىستى بٸرقاتار شارتتى ورىنداۋعا تەۋەلدٸ بولماق.
كانديدات ستاتۋسىنا يە بولعان ەكٸ ەلدٸڭ ەۋروپا وداعى قۇرامىنا تولىق مٷشە بولىپ قاشان قابىلداناتىنى بەلگٸسٸز, ساياساتكەرلەر بۇعان ونداعان جىل, تٸپتٸ ودان دا كٶپ ۋاقىت كەرەك بولادى دەيدٸ.
