ۋكراينانىڭ قىرعىزستانداعى ەلشٸ ۆالەريي جوۆتەنكو
ۋكراينا پرەزيدەنتٸ ۆلاديمير زەلەنسكيي قىرعىزستانداعى ەلشٸ ۆالەريي جوۆتەنكو مەن گرۋزيياداعى ەلشٸ يگور دولگوۆتى كەڭەسۋ ٷشٸن كەرٸ شاقىردى. بۇل تۋرالى زەلەنسكيي Facebook جەلٸسٸندەگٸ ەفيرٸندە ايتتى, دەپ حابارلادى ازاتتىق راديوسى.
ۋكراينا باسشىسى قىرعىزستان بيلٸگٸ "ۋكرايناعا قارسى اگرەسسييانى اقتاعانى ٷشٸن" ەلشٸنٸ كەرٸ شاقىرىپ العانىن جەتكٸزدٸ. زەلەنسكيي گرۋزييا بيلٸگٸ ۋكرايناعا ەرٸكتٸ تٷردە كٶمەكتەسكٸسٸ كەلگەندەرگە مٷمكٸندٸك بەرمەدٸ دەپ مەلٸمدەدٸ.
قىرعىزستان بيلٸگٸ رەسەيدٸڭ ۋكرايناعا باسىپ كٸرگەنٸنە قاتىستى رەسمي ۇستانىمىن بٸلدٸرمەگەن. بٸراق 26 اقپاندا رەسەي بيلٸگٸنٸڭ باقىلاۋىنداعى ريا نوۆوستي اگەنتتٸگٸ "قىرعىزستان پرەزيدەنتٸ سادىر جاپاروۆ رەسەي پرەزيدەنتٸ ۆلاديمير پۋتينمەن تەلەفونمەن سٶيلەسكەندە كەزٸندە رەسەيدٸڭ دونباسستاعى بەيبٸت تۇرعىنداردى قورعاۋ ەرەكەتٸنە قولداۋ بٸلدٸردٸ" دەپ جازعان.
بٸراق قىرعىزستان پرەزيدەنتٸنٸڭ رەسمي سايتىندا "ەكٸ ەلدٸڭ باسشىلارى حالىقارالىق جەنە ايماقتىڭ قاۋٸپسٸزدٸگٸ بويىنشا, سونىمەن قاتار ۋكرايناداعى جاعدايعا قاتىستى پٸكٸر الماستى" دەپ جازىلعان.
جاپاروۆتىڭ باسپاسٶز حاتشىسى ەربول سۇلتانباەۆ 27 اقپاندا Facebook پاراقشاسىندا "ەكٸ تاراپ جاقىن ۋاقىتتا بەيبٸتشٸلٸككە قول جەتكٸزەدٸ دەپ ٷمٸتتەنەمٸز. بٸز بۇل جاعدايدىڭ تەز ارادا كەلٸسسٶزدەر ارقىلى شەشٸلگەنٸن قولدايمىز" دەپ جازعان.
قىرعىزستان سىرتقى ٸستەر مينيسترٸ رۋسلان كازاكباەۆ 27 اقپاندا ورتالىق ازييا ەلدەرٸ مەن اقش-تىڭ سىرتقى ٸستەر ۆەدومستۆولارىنىڭ ونلاين كەزدەسۋٸندە بٸشكەك ۋكرايناداعى جاعدايعا الاڭداپ وتىرعانىن جەتكٸزگەن.
"بۇل قاقتىعىس ەكٸ اعايىن حالىقتىڭ اراسىندا بولىپ جاتىر. قىرعىز حالقى ورىس حالقىمەن دە, ۋكراين حالقىمەن دە بۇرىننان دوستىق قارىم-قاتىناستا. بٸراق قىرعىزستان قازٸر ەلەم بٸرٸگۋدٸڭ ورنىنا بٶلٸنٸپ جاتقانىنا قىنجىلادى" دەگەن كازاكباەۆ.
رەسەي 24 اقپاندا ۋكراينا اۋماعىنا كٸرٸپ, سوعىس باستاعان. سوعىس جالعاسىپ جاتقانىنا التىنشى كٷن بولدى. ەكٸ جاقتان دا ادام شىعىنى بار.
