فۋتبولدان ەۋروپا چەمپيوناتىنىڭ ماتچتارىنا ۋكراينا قۇراماسى ويىنشىلارى كيەتٸن جەيدە ديزاينى ٶزگەرمەيدٸ. بۇل تۋرالى باسپاسٶز مەسليحاتىندا قۇرامانىڭ باسپاسٶز حاتشىسى مەلٸمدەدٸ. مەسليحات جازباسى فۋتبول فەدەراتسيياسىنىڭ YouTube-ارناسىندا جارييالاندى.
"فورمانىڭ بارلىق بٶلٸگٸ ۋەفا-دا (ەۋروپا فۋتبول قاۋىمداستىقتارى وداعى – رەد.) بەكٸتٸلگەن. ۋكراينا فۋتبول قاۋىمداستىعىنىڭ پرەزيدەنتٸ قازٸر ريمدە, ول وداق ٶكٸلدەرٸمەن كەلٸسسٶز جٷرگٸزٸپ جاتىر" دەدٸ ۋكراينا ۇلتتىق قۇراماسىنىڭ ٶكٸلٸ الەكساندر گلىۆينسكيي. "
ەۋروپا چەمپيوناتى قارساڭىندا ۇسىنىلعان ۇلتتىق قۇراما فۋتبولشىلارىنىڭ فورماسىندا ۋكراينا كارتاسى جەنە "ۋكراينا جاساسىن!", "باتىرلار داڭقى ارتا بەرسٸن!" دەگەن ۇراندار جازىلعان. رەسەي ساياساتكەرلەرٸ ۋكراينانىڭ كارتاسىندا قىرىم تٷبەگٸنٸڭ دە بەينەلەنۋٸن ٶتكٸر سىنعا العان. حالىقارالىق قۇقىقتىق قۇجاتتاردا قىرىم ۋكراينا جەرٸ دەپ كٶرسەتٸلەدٸ, ال رەسەي ول تٷبەكتٸ 2014 جىلى زاڭسىز اننەكسييالاعان بولىپ سانالادى. مەسكەۋ بۇل پٸكٸرمەن كەلٸسپەيدٸ. باتىس ەلدەرٸ رەسەيگە وسى ٷشٸن سانكتسييالار سالعان.
ۋكراينا قۇراماسىنىڭ ەل كارتاسى بەينەلەنگەن جەيدەسٸ
كيٸم ديزاينىنا بايلانىستى رەسەي فۋتبول وداعى ۋەفا-عا شاعىمدانعان. حالىقارالىق ۇيىم ٶكٸلٸ رەسەيلٸك "چەمپيونات" باسىلىمىنا بەرگەن سۇحباتىندا ۋكراينا كارتاسى دا, "ۋكراينا داڭقى ارتا بەرسٸن!" دەگەن ۇران دا سول قالپى قالا بەرەدٸ دەگەن. الايدا, شەنەۋنٸكتٸڭ ايتۋىنشا, "باتىرلار داڭقى ارتا بەرسٸن!" دەگەن ۇراننىڭ ساياسي استارى بار, سەبەبٸ بۇل سٶز تٸركەسٸن كٶبٸنە ۋكراينانىڭ ۇلتشىل ۇيىمدارى قولدانادى.
ۋەفا ۋكراينا فۋتبول شەنەۋنٸكتەرٸنەن كيٸمنەن بۇل ۇراندى الىپ تاستاۋدى تالاپ ەتكەن.
الايدا, جۇما كٷنٸ ۋكراينا فۋتبول قاۋىمداستىعىنىڭ اتقارۋ كوميتەتٸ ەۋروپاداعى فۋتبول چەمپيوناتىنا ارناپ ەكٸ ۇراندى دا رەسمي تٷردە بەكٸتكەن. بۇل جٶنٸندە قاۋىمداستىق پرەزيدەنتٸ اندرەي پاۆەلكو Facebook-تەگٸ پاراقشاسىندا مەلٸمدەدٸ. ونىڭ ايتۋىنشا, بۇل سيمۆولدار ەلدٸڭ ەر ايماعىنداعى تۇرعىنداردى, سونداي-اق باسقا ەلدەر مەن قۇرلىقتاردا جٷرگەن وتانداستاردى بٸرٸكتٸرەدٸ. ول فۋتبول قۇراماسىن "تاريحي جەڭٸسٸمەن" قۇتتىقتادى.
فۋتبولدان ەۋروپا چەمپيوناتى 11 ماۋسىم – 11 شٸلدە ارالىعىندا قۇرلىقتاعى 11 قالادا (لوندون, سانكت-پەتەربۋرگ, باكۋ, ميۋنحەن, ريم, امستەردام, بۋحارەست, بۋداپەشت, كوپەنگاگەن, گلازگو, سەۆيليا) ٶتەدٸ. جارىسقا ٸرٸكتەۋدەن ٶتكەن 24 ەلدٸڭ قۇراماسى قاتىسادى. رەسەي ۆ توبىندا, ال ۋكراينا قۇراماسى س توبىندا وينايدى.
