ۋكراينادا رەسەيشٸل سەپاراتيستەردٸڭ باقىلاۋىنداعى لۋگانسكٸدە 13 شٸلدەگە قاراعان تٷنٸ جارىلىس ٷنٸ ەستٸلٸپ, ٶرت بولعان. رەسەيدٸڭ مەملەكەتتٸك اقپارات قۇرالدارى جەنە سەپاراتيستەر ۋكراين ەسكەرٸنٸڭ قالاداعى نىساندارعا زىمىرانمەن سوققى جاساعانىن حابارلادى. ال ۋكراينا قارۋلى كٷشتەرٸ ەزٸرگە ەشقانداي حابارلاما تاراتپادى, دەپ جازادى ازاتتىق.
لۋگانسك سوعىس لينيياسىنان 70 شاقىرىمنان استام جەردە ورنالاسقان. رەسەي اقپارات قۇرالدارىنىڭ جازۋىنشا, قالاعا امەريكالىق HIMARS دٷركٸندەتە اتاتىن رەاكتيۆتٸ قارۋىنان سوققى جاسالعان. "توچكا-ۋ" زىمىرانى تۋرالى دا ايتىلدى. سەپاراتيستەر ٶكٸلٸنٸڭ مەلٸمەتٸنشە, لۋگانسكٸدەگٸ ەۋە شابۋىلىنان قورعايتىن جٷيە شوعىرلانعان ەسكەري بٶلٸمدەر زىمىرانمەن اتقىلانعان. زىمىرانداردىڭ بٸر بٶلٸگٸنە تويتارىس بەرٸلگەن. سەپاراتيستەردٸڭ بۇرىنعى قولباسشىسى يگور سترەلكوۆ بازانىڭ جويىلعانىن حابارلادى.
لۋگانسكٸدە سوققىنىڭ جالعاسىپ جاتقانىنا ەكٸ كٷن بولدى. ينتەرنەتتە جارىلىس تۋرالى تٷرلٸ ۆيدەولار تارادى. قازا بولعاندار جايلى ەزٸرگە مەلٸمەت جوق.
كەيٸنگٸ اپتالاردا ۋكراين ەسكەرٸ رەسەي كٷشتەرٸنٸڭ نىساندارىنا بۇرىنعىدان گٶرٸ تەگەۋرٸندٸ سوققى جاساي باستاعان. ولار ەسكەري نىساندار مەن وق-دەرٸ قويمالارىنا شابۋىلداعان. دٷيسەنبٸ كٷنٸ حەرسون وبلىسىنداعى نوۆايا كاحوۆكا اۋدانىنا سوققى جاسالدى. رەسەيگە قارايتىن جەرگٸلٸكتٸ ەكٸمشٸلٸكتٸڭ مەلٸمدەۋٸنشە, جەتٸ ادام قازا بولعان, كٶپ عيمارات قيراعان. ۋكراينا ەسكەرٸ ناقتى سوققىلار جٶنٸندە مەلٸمەت بەرمەدٸ, الايدا سوققى جاسالعانىن مويىندايدى. ۋكراينا باق-تارىنداعى دەرەككٶزدەر مەن كٶپ بلوگەر جوعارى لاۋازىمدى ورىس ەسكەريلەرٸنٸڭ قازا بولعانىن حابارلادى.
اقپاراتقا قاراعاندا, رەسەي ەسكەرٸ سەرسەنبٸگە قاراعان تٷنٸ دونەتسك وبلىسىنداعى كراماتورسك, كونستانتينوۆكا جەنە دنەپروپەتروۆسك وبلىسىنىڭ وڭتٷستٸگٸندەگٸ نيكوپولياعا زىمىران جٸبەرگەن. رەسەي كٷشتەرٸ حاركوۆتٸ دە اتقىلاپ جاتىر. قازا تاپقاندار مەن زارداپ شەككەندەر بار.
بريتان ەسكەري بارلاۋ قىزمەتٸنٸڭ حابارلاۋىنشا, الداعى اپتادا رەسەي دونەتسك وبلىسىنداعى سلاۆيانسك جەنە كراماتورسكٸگە قاراي جىلجىماق.
