قر پرەمەر-مينيسترٸ اسقار ماميننٸڭ تٶراعالىعىمەن تسيفرلاندىرۋدى ەنگٸزۋ مەسەلەلەرٸ جٶنٸندە قر پرەزيدەنتٸ جانىنداعى كوميسسييانىڭ وتىرىسى ٶتتٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
وتىرىستا قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن قولعا الىنعان «تسيفرلىق قازاقستان» مەملەكەتتٸك باعدارلاماسىنىڭ ٸسكە اسىرىلۋ بارىسى جەنە مەملەكەت باسشىسى قاسىم-جومارت توقاەۆتىڭ ەل ەكونوميكاسىن تسيفرلاندىرۋدى جەدەلدەتۋ جٶنٸندەگٸ تاپسىرمالارىنىڭ ورىندالۋى قارالدى.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ جەر قاتىناستارى سالاسىندا تسيفرلاندىرۋدى ەنگٸزۋ, سونداي-اق مەملەكەتتٸك قىزمەتتەردٸ اۆتوماتتاندىرۋ جەنە وڭتايلاندىرۋ بويىنشا قابىلدانىپ جاتقان شارالار تۋرالى باياندادى.
«تسيفرلىق قازاقستان» مەملەكەتتٸك باعدارلاماسىندا 2021 جىلعا قاراي ۇلتتىق كەڭٸستٸكتٸك دەرەكتەردٸڭ ينفراقۇرىلىمىنىڭ, جىلجىمايتىن مٷلٸكتٸڭ بٸرىڭعاي مەملەكەتتٸك كاداسترىنىڭ اقپاراتتىق جٷيەسٸن قۇرۋ جەنە ەنگٸزۋ قاراستىرىلعان. بۇل قازاقستاننىڭ تسيفرلىق كارتاسىن قالىپتاستىرۋعا, حالىقتىڭ جەر قاتىناستارى مەن سەۋلەت سالاسىنداعى قىزمەتتەردٸ الۋ رەسٸمٸن جەڭٸلدەتۋگە, جەر تەلٸمدەرٸن پايدالانۋدى باقىلاۋ مەن مونيتورينگ جٷرگٸزۋدٸ اۆتوماتتاندىرۋعا جول اشادى.
قازاقستاننىڭ تۇڭعىش پرەزيدەنتتٸ – ەلباسىنىڭ 2018 جىلعى 5 قازانداعى حالىققا ارناعان جولداۋىندا 2019 جىلدىڭ سوڭىنا دەيٸن مەملەكەتتٸك قىزمەتتەردٸڭ 80%, ال 2020 جىلدىڭ سوڭىنا قاراي 90% ەلەكتروندى فورماتقا كٶشٸرۋدٸ قامتاماسىز ەتۋ تاپسىرىلدى. وسى جىلدىڭ قىركٷيەگٸندە تٷزەتۋلەر ەنگٸزٸلگەننەن كەيٸن مەملەكەتتٸك قىزمەتتەر تٸزٸلٸمٸ 723 قىزمەتتٸ قامتيدى, ولاردىڭ 579-ى (80,08%) ەلەكتروندى تٷردە قولجەتٸمدٸ بولادى.
وتىرىستى قورىتىندىلاي كەلە, قر پرەمەر-مينيسترٸ اسقار مامين تسيفرلىق كٷن تەرتٸبٸنٸڭ ماڭىزدىلىعىن اتاپ ٶتٸپ, ەكونوميكا سالاسىندا تسيفرلىق شەشٸمدەردٸ ەنگٸزۋ جۇمىستارىن جانداندىرۋدى تاپسىردى.
