قر پرەمەر-مينيسترٸ ەليحان سمايىلوۆ بيىلعى سۋ تاسقىنى كەزەڭٸنٸڭ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى قازاقپارات تٸلشٸسٸ ٷكٸمەتتٸڭ رەسمي سايتىنا سٸلتەمە جاساپ.
تٶتەنشە جاعدايلار مينيسترٸ يۋريي يليننٸڭ ايتۋىنشا, بٷگٸنگٸ تاڭدا اقتٶبە جەنە باتىس قازاقستان وبلىستارىندا كٷردەلٸ جاعداي قالىپتاسىپ وتىر.
سۋ تاسقىنى كەزەڭٸ باستالعاننان بەرٸ اقتٶبە, باتىس قازاقستان, پاۆلودار, قاراعاندى وبلىستارىنىڭ 8 ەلدٸ مەكەنٸندە 184 تۇرعىن ٷي جەنە 72 ساياجاي ٷيلەرٸ, 2 ەلەۋمەتتٸك نىسان ەرٸگەن قار سۋىنىڭ استىندا قالعان.
«تجم مەن جەرگٸلٸكتٸ اتقارۋشى ورگانداردىڭ كٷشٸمەن باتىس قازاقستان, پاۆلودار, اقتٶبە جەنە قاراعاندى وبلىستارىنداعى 184 ٷيدەن, اقتٶبە قالاسىنداعى 17 ساياجاي ٷيٸنەن, سونداي-اق 2 ەلەۋمەتتٸك نىساننان سۋ شىعارىلدى. سۋ باسقان 57 ساياجاي ٷيٸ باقىلاۋدا تۇر. بٷگٸندە قازاقستان ٶڭٸرلەرٸندە 969 ادام ەۆاكۋاتسييالاندى, ولاردىڭ 493-ٸ ۋاقىتشا پانالاۋ پۋنكتتەرٸندە, 476-سى تۋىستارىنىڭ ٷيلەرٸنە ورنالاستىرىلدى», - دەپ حابارلادى يلين.
تجم باسشىسىنىڭ مەلٸمەتٸنە قاراعاندا, اقتٶبە وبلىسىنداعى رەسپۋبليكالىق ماڭىزى بار جولدىڭ بٸر ۋچاسكەسٸن, وبلىستىق جەنە جەرگٸلٸكتٸ ماڭىزى بار 12 ۋچاسكەنٸ سۋ باسقان جەنە جەرگٸلٸكتٸ ماڭىزى بار اۆتوجولداردىڭ 15 ۋچاسكەسٸن سۋ شايىپ, اقتٶبە وبلىسىنداعى بٸر كٶپٸر قيراعان.
"اپاتتىق-قۇتقارۋ جۇمىستارىنا 2 مىڭنان استام ادام, 500 تەحنيكا, سۋ سورعىش قۇرالدار مەن جٷزۋ قۇرالدارى جۇمىلدىرىلدى.
سۋ تاسقىنى جاعدايىنىڭ كٷردەلەنۋٸنە بايلانىستى باتىس قازاقستان وبلىسىنا ماڭعىستاۋ جەنە اتىراۋ وبلىستارىنان تجم قوسىمشا قۇتقارۋ بٶلٸمشەلەرٸ, جەكە قۇرامنان 92 ادام, 13 بٸرلٸك تەحنيكا, جٷزۋ قۇرالدارى مەن موتوپومپالار جٸبەرٸلدٸ" - دەلٸنگەن حابارلامادا.
يۋ. يليننٸڭ ايتۋىنشا, ورىن العان جاعدايعا اۋا-رايىنىڭ كٷرت جىلىنۋى ىقپال ەتتٸ, بۇل قاردىڭ تەز ەرۋٸنە جەنە ەگٸستٸكتەردەن ەرٸگەن قار سۋلارىنىڭ كەلۋٸنە سەبەپ بولدى. تەك سوڭعى اپتادا ەلدەگٸ قار جامىلعىسى 60-تان 40%-عا دەيٸن تٶمەندەدٸ. سوڭعى جىلدارى كليماتتىڭ ٶزگەرۋٸنە بايلانىستى ەلٸمٸزدە بولىپ جاتقان پروتسەستەر سۋ تاسقىنى جاعدايىنا تٷبەگەيلٸ ەسەر ەتەدٸ, ٶيتكەنٸ سوڭعى 50 جىل جەنە ودان دا كٶپ ۋاقىت بويى سۋ باسۋ مەسەلەسٸ بولماعان ەلدٸ مەكەندەردە سۋ باسۋ جاعدايلارى تٸركەلٸپ جاتىر.
ورىن العان جاعدايدىڭ نەگٸزگٸ سەبەپتەرٸ — قاردىڭ ۋاقىتىلى شىعارىلماۋى, سۋ ٶتكٸزۋ قۇرىلىستارىنىڭ, درەناجدىق نەمەسە ارىق جٷيەلەرٸنٸڭ جەتكٸلٸكسٸز تازالانۋى, ينەرتتٸ ماتەريالدار قورىنىڭ دايىن بولماۋى.
كەڭەس قورىتىندىسى بويىنشا, قر پرەمەر-مينيسترٸ ٶڭٸرلەردە قالىپتاسقان سۋ تاسقىنى جاعدايى ەكٸمدٸكتەردٸڭ قاردى ۋاقىتىلى شىعارماۋىنا, كانالدار مەن ارىقتاردىڭ جەتكٸلٸكسٸز تازارتىلۋىنا, سۋ تاسقىنىنىڭ الدىن الۋ شارالارىن قارجىلاندىرۋدىڭ جەتكٸلٸكسٸز بولعانىنا بايلانىستى دەدٸ.
وسى ورايدا باتىس قازاقستان, اقتٶبە, پاۆلودار جەنە قاراعاندى وبلىستارىنىڭ ەكٸمدەرٸ قاۋٸپسٸز جەرگە كٶشٸرٸلگەن ازاماتتارعا تيٸستٸ جاعداي جاساپ, ەرٸگەن قار سۋىن شىعارۋ, سۋ استىندا قالعان ٷيلەر مەن ينفراقۇرىلىمدى قالپىنا كەلتٸرۋ بويىنشا جۇمىستار جٷرگٸزۋٸ كەرەك.
تاياۋ كٷندەرٸ اۋا تەمپەراتۋراسىنىڭ كٶتەرٸلٸپ, بٸرقاتار ٶڭٸردە احۋال ودان سايىن اۋىرلاي تٷسۋٸ مٷمكٸن. وسىعان بايلانىستى ەليحان سمايىلوۆ سۋ تاسقىنىنا تۇراقتى مونيتورينگ پەن باقىلاۋ جاساپ, قالىپتاسقان جاعدايعا جەدەل جاۋاپ بەرٸپ وتىرۋدى تاپسىردى.
«سۋ تاسقىنى قاۋپٸ بار ۋچاسكەلەرگە جاقىن ماڭعا ارنايى جەنە ينجەنەرلٸك تەحنيكانى, قۇم سالىنعان قاپتاردى جەتكٸزۋ قاجەت. سونداي-اق سۋ تاسقىنى كەزٸندە كٶلٸك قاتىناسى شەكتەلۋٸ مٷمكٸن ەلدٸ مەكەندەردٸ انىقتاپ, ول جەرلەردە ازىق-تٷلٸك ٶنٸمدەرٸ مەن اۋىز سۋ قورىن دايىنداعان جٶن», — دەدٸ پرەمەر-مينيستر.
ەكولوگييا مينيسترلٸگٸ ٶڭٸرلەردٸڭ ەكٸمدٸكتەرٸمەن بٸرلەسٸپ, سۋ قويمالارىنىڭ جاي-كٷيٸنە, سونداي-اق سۋ تاسقىنى قاۋپٸ بار ٶزەندەردەگٸ جاعدايعا تۇراقتى باقىلاۋ ورناتۋى قاجەت. قاجەت بولعان جاعدايدا سۋ قويمالارىن الدىن الا جەنە قاۋٸپسٸز بوساتۋ بويىنشا شارالار قابىلداۋ كەرەك.
تجم اقپارات مينيسترلٸگٸمەن بٸرلەسە وتىرىپ, ەلدٸ مەكەندەردٸ سۋ باسۋ جەنە قاۋٸپتٸ ايماقتاردان ەۆاكۋاتسييالاۋ كەزٸندە تۇرعىنداردىڭ تيٸستٸ قاۋٸپسٸزدٸك ەرەجەلەرٸن ساقتاۋ تۋرالى اقپاراتتاندىرۋ جۇمىستارىن جانداندىرۋى تيٸس.
ەليحان سمايىلوۆ سونداي-اق ٶڭٸرلەردٸڭ ەكٸمدەرٸنە سۋ تاسقىنى بارىسىن قاتاڭ باقىلاۋعا الۋدى, كەلەسٸ جىلى سۋ باسۋ قاۋپٸن ەدەۋٸر تٶمەندەتۋ ٷشٸن 2021-2023 جىلدارعا ارنالعان سۋ تاسقىنىنا قارسى ٸس-شارالاردىڭ جول كارتاسىن ٸسكە اسىرۋ بويىنشا شارالار قابىلداۋدى تاپسىردى.
