بٷگٸن ٷكٸمەت وتىرىسىندا قر ۇلتتىق ەكونوميكا مينيسترٸ ەلٸبەك قۋانتىروۆ ەلٸمٸزدٸڭ باتىس ٶڭٸرلەرٸن كەشەندٸ دامىتۋدىڭ جوسپارلارىن تانىستىردى, دەپ حابارلايدى قازاقپارات.
«باتىس ٶڭٸرلەرٸن – اقتٶبە, اتىراۋ, باتىس قازاقستان, ماڭعىستاۋ وبلىستارىنىڭ ەلەۋمەتتٸك-ەكونوميكالىق دامىتۋدىڭ كەشەندٸ جوسپارلارىنىڭ جوبالارى ۇسىنىلىپ وتىر. مەملەكەت باسشىسىنىڭ تاپسىرماسىن ورىنداۋ ماقساتىندا اقتٶبە جەنە باتىس قازاقستان وبلىستارىن دامىتۋدىڭ 2022-2025 جىلدارعا ارنالعان جاڭا كەشەندٸ جوسپارلارى ەزٸرلەندٸ, سونداي-اق قولدانىستاعى اتىراۋ جەنە ماڭعىستاۋ وبلىستارىن دامىتۋدىڭ 2021-2025 جىلدارعا ارنالعان كەشەندٸ جوسپارلارى ٶزەكتەندٸرٸلدٸ», - دەدٸ قۋانتىروۆ.
ونىڭ ايتۋىنشا, باتىس ٶڭٸرلەردٸ دامىتۋدىڭ 4 كەشەندٸ جوسپارىن قارجىلاندىرۋدىڭ جالپى كٶلەمٸ 15,3 ترلن تەڭگە, ونىڭ ٸشٸندە رەسپۋبليكالىق بيۋدجەتتەن – 1,7 ترلن تەڭگە.
«مينيسترلٸك, ورتالىق مەملەكەتتٸك ورگاندارمەن, ەكٸمدٸكتەرمەن بٸرلەسٸپ, ٶڭٸرلەردٸڭ ەلەۋمەتتٸك-ەكونوميكالىق دامۋىنا جەنە تۇراقتى جۇمىس ورىندارىن قۇرۋعا تٸكەلەي جەنە جاناما مۋلتيپليكاتيۆتٸك ەسەرلەردٸڭ جوعارى ەلەۋەتٸ بار جوبالاردى ٸرٸكتەۋ بويىنشا جۇمىس جٷرگٸزدٸ», - دەدٸ مينيستر.
اتاپ ايتقاندا, اقتٶبە وبلىسىنىڭ كەشەندٸ جوسپارى 92 ٸس-شارادان تۇرادى. جوسپاردى ٸسكە اسىرۋدىڭ جالپى سوماسى 1,7 ترلن تەڭگە, ونىڭ ٸشٸندە رەسپۋبليكالىق بيۋدجەت – 343,3 ملرد تەڭگە, جەرگٸلٸكتٸ بيۋدجەت - 165,6 ملرد تەڭگە, جەكە ينۆەستيتسييالار - 1,2 ترلن تەڭگە.
ال باتىس قازاقستان وبلىسىن دامىتۋدىڭ كەشەندٸ جوسپارى جالپى سوماسى 2,6 ترلن تەڭگەنٸ قۇرايتىن 116 ٸس-شارانى قامتىدى. ونىڭ ٸشٸندە رەسپۋبليكالىق بيۋدجەت – 416,1 ملرد تەڭگە, جەرگٸلٸكتٸ بيۋجەت – 117,8 ملرد تەڭگە, جەكە ينۆەستيتسييالار – 2,1 ترلن تەڭگە.
اتىراۋ وبلىسىن دامىتۋدىڭ ٶزەكتەندٸرٸلگەن كەشەندٸ جوسپارى جالپى سوماسى 8,9 ترلن تەڭگە بولاتىن 185 ٸس-شارادان تۇرادى. ونىڭ ٸشٸندە رەسپۋبليكالىق بيۋدجەت – 535,8 ملرد تەڭگە, جەرگٸلٸكتٸ بيۋدجەت – 112,6 ملرد تەڭگە, جەكە ينۆەستيتسييالار – 8,3 ترلن تەڭگە تەڭگە.
ماڭعىستاۋ وبلىسىن دامىتۋدىڭ ٶزەكتٸلەندٸرٸلگەن كەشەندٸ جوسپارى جالپى قارجىلاندىرۋ كٶلەمٸ 2,1 ترلن تەڭگەنٸ قۇرايتىن 226 ٸس-شارادان تۇرادى. ونىڭ ٸشٸندە رەسپۋبليكالىق بيۋدجەت – 375,2 ملرد تەڭگە, جەرگٸلٸكتٸ بيۋدجەت – 117,9 ملرد تەڭگە, جەكە ينۆەستيتسييالار - 1,6 ترلن تەڭگە.
