فوتو: ٷكٸمەت
ٷكٸمەت وتىرىسى بارىسىندا پرەمەر-مينيستر ولجاس بەكتەنوۆ مەملەكەت باسشىسى ەگٸن شارۋاشىلىعىنداعى وڭ نەتيجەلەردٸ اتاپ ٶتكەنٸنە نازار اۋداردى, دەپ حابارلايدى Ult.kz.
پرەزيدەنت مال شارۋاشىلىعى سالاسىنداعى جۇمىستاردى جانداندىرۋدى تاپسىردى.
وسىعان وراي اۋىل شارۋاشىلىعى مينيسترلٸگٸنٸڭ الدىنا بٸر اپتا ٸشٸندە ەت ٶندٸرٸسٸ مەن ەكسپورتىنىڭ كٶلەمٸن ارتتىرۋ جٶنٸندەگٸ ناقتى شارالارمەن بٸرگە, مال شارۋاشىلىعىن ودان ەرٸ دامىتۋ بويىنشا ۇسىنىستار ەنگٸزۋ مٸندەتٸ قويىلدى. سونداي-اق شارۋالارعا جەڭٸلدەتٸلگەن نەسيە بەرۋ تەتٸگٸن كەڭەيتۋ تاپسىرىلدى.
"ەگٸنشٸلەردٸ تٸكەلەي سۋبسيدييالاۋ ورنىنا جەڭٸلدەتٸلگەن نەسيە بەرۋ تەتٸگٸ ٶزٸنٸڭ تيٸمدٸلٸگٸن كٶرسەتكەنٸن ايتا كەتۋ كەرەك. مينيسترلٸك «بەيتەرەك» حولدينگٸمەن بٸرلەسٸپ, وسىعان ۇقساس اۋىل شارۋاشىلىعىن قولداۋ قۇرالدارىنىڭ اياسىن كەڭەيتۋدٸ جالعاستىرۋعا تيٸس", — دەپ اتاپ ٶتتٸ ولجاس بەكتەنوۆ.
