بٷگٸن ٷكٸمەت مٷددەلٸ مەملەكەتتٸك ورگاندارمەن جەنە ۇيىمدارمەن بٸرلەسٸپ, قازاقستاننىڭ قوي ٶسٸرۋشٸلەر ۇلتتىق قاۋىمداستىعىنىڭ تٶراعاسى الماسبەك سادىرباەۆتىڭ تٸرٸ ۇساق مالدىڭ ەكسپورتىنا تولىق تىيىم سالۋ تۋرالى ۇسىنىسىن قارادى, دەپ حابارلايدى "ۇلت اقپارات" اشم باسپاسٶز قىزمەتٸنە سٸلتەمە جاساپ.
قر ستراتەگييالىق جوسپارلاۋ جەنە رەفورمالار اگەنتتٸگٸنٸڭ ۇلتتىق ستاتيستيكا بيۋروسىنىڭ دەرەكتەرٸ بويىنشا اعىمداعى جىلدىڭ باسىندا ۇساق مال باسى 20,05 ملن باستى قۇرادى. 2020 جىلدىڭ قورىتىندىسى بويىنشا ٶسٸم 902 مىڭ باستى (4,7%) قۇرادى, بۇل سوڭعى 10 جىلداعى ەڭ جوعارى كٶرسەتكٸش.
اعىمداعى جىلدىڭ باسىنان بەرٸ تٶل ەسەبٸنەن قوي باسى 7,1 ملن. - عا ۇلعايدى, وسىلايشا, اعىمداعى جىلدىڭ 1 ماۋسىمىنا قازاقستاندا 27,1 ملن. ۇساق مال باسى بار.
ايتا كەتۋ كەرەك, جىل سايىن رەسپۋبليكادا 172,4 مىڭ توننا قوي ەتٸ ٶندٸرٸلەدٸ. ٸشكٸ نارىقتىڭ قامتاماسىز ەتٸلۋٸ 100,7% - دى قۇرايدى. اعىمداعى جىلدىڭ 4 ايىندا بٸرٸككەن اراب ەمٸرلٸكتەرٸنە, ٶزبەكستان, باحرەين جەنە رەسەي ەلدەرٸنە 538 توننا قوي ەتٸ ەكسپورتتالدى.
الايدا, قوي شارۋاشىلىعى سالاسىنداعى باسقا قوعامدىق ۇيىمدار قوي ەكسپورتىنا تىيىم سالۋ مەسەلەسٸ فەرمەرلەردٸڭ قارجىلىق جاعدايىنا تەرٸس ەسەر ەتۋٸ مٷمكٸن ەكەنٸن جەتكٸزٸپ, تىيىم سالۋدۋ ەنگٸزبەۋ جٶنٸندە ٶز ۇستانىمدارىن بٸلدٸردٸ.
اعىمداعى جىلى قۇرعاق اۋا رايى جاعدايىنا بايلانىستى وڭتٷستٸك ٶڭٸرلەردە ازىق باعاسىنىڭ ٶسۋٸ بايقالادى.
شٶپتٸڭ ازدىعىنا بايلانىستى فەرمەرلەر ٷلكەن اۋماققا جەم جيناۋعا مەجبٷر, بۇل جانار-جاعارماي شىعىندارىن جەنە جەم باعاسىن ارتتىرادى.
وسىلايشا, جەم-شٶپتٸ ۋاقتىلى دايىنداۋ جەنە ساتىپ الۋ ماقساتىندا فەرمەرلەر تٶلدەرٸن جازعى, كٷزگٸ كەزەڭدەردە ٶتكٸزۋگە مەجبٷر بولادى.
سونداي-اق, پاندەميياعا بايلانىستى ەكسپورتتىق نارىقتار تولىق قالپىنا كەلتٸرٸلمەدٸ. اۆياتاسىمالداۋ قۇنى 2 ەسە ٶستٸ. بارلىق ٶڭٸرلەردە ارتىق قوي ەتٸن ەكسپورتقا شىعارۋعا مٷمكٸندٸك بەرەتٸن زاماناۋي سەرتيفيكاتتالعان ەت ٶڭدەۋ كەسٸپورىندارى جوق.
فەرمەرلەر بۇل قيىن جاعدايدا تٸرٸ قويلاردىڭ ەكسپورتىنا تىيىم سالۋ ولاردىڭ قارجىلىق جاعدايىنا تەرٸس ەسەر ەتەدٸ دەپ سانايدى.
ساتىپ الۋ باعاسىنىڭ تٶمەن بولۋىنا بايلانىستى فەرمەرلەردٸڭ مال باسىن كٷتٸپ-باعۋعا جۇمساعان شىعىندارى ٶتەلمەيدٸ جەنە ولار مال باسىن ۇلعايتۋعا مٷددەلٸ بولمايدى.
قازٸرگٸ ۋاقىتتا قازاقستاندا اۋىل شارۋاشىلىعى جەنە قارجى مينيسترلٸكتەرٸنٸڭ بٸرلەسكەن بۇيرىعىنا سەيكەس انالىق ۇساق مٷيٸزدٸ مال باسىن شىعارۋعا تىيىم سالىنعان.
بۇعان دەيٸن اۋىل شارۋاشىلىعى مينيسترلٸگٸ قوي شارۋاشىلىعىن دامىتۋ ٷشٸن ارنايى مەملەكەتتٸك كٶمەك كٶرسەتٸلەتٸنٸن حابارلاعان بولاتىن.
اسىلداندىرۋ جۇمىستارى, اسىل تۇقىمدى مال باسىن ساتىپ الۋ, بورداقىلاۋ الاڭدارىنا نەمەسە ەتتٸ قايتا ٶڭدەۋ كەسٸپورىندارىنا ٶتكٸزٸلگەن قوشقارلاردىڭ قۇنى سۋبسيدييالانادى, سونداي-اق شارۋاشىلىقتاردا جەنە اۋىل شارۋاشىلىعى كووپەراتيۆتەرٸندە انالىق مال باسىن قولدان ۇرىقتاندىرۋ جٶنٸندەگٸ قىزمەتتەر سۋبسيدييالانادى.
تاراپتاردىڭ پٸكٸرلەرٸن ەسكەرە وتىرىپ, ۆەدومستۆوارالىق كوميسسييا تٸرٸ قويلاردىڭ ەكسپورتىنا تولىق تىيىم سالۋ مەسەلەسٸ ەرتەرەك دەپ سانايدى.
تالقىلاۋ قورىتىندىسى بويىنشا اۋىل شارۋاشىلىعى مينيسترلٸگٸنە اعىمداعى جىلدىڭ كٷزٸندە قوي ەتٸن ٶندٸرۋ جەنە ساتۋ سەكتورىنىڭ تەڭدەستٸرٸلۋٸن قامتاماسىز ەتۋ ماقساتىندا تٸرٸ مالدى ەكسپورتتاۋدى كۆوتالاۋ تەتٸگٸن ەنگٸزۋ تاپسىرىلدى.
