قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا كٶكتەمگٸ ەگٸس جۇمىستارىن جٷرگٸزۋگە دايىندىق بارىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
شارۋالاردىڭ ەگٸس ناۋقانىنا دايىندىعى تۋرالى اۋىل شارۋاشىلىعى مينيسترٸ س. وماروۆ, جانار-جاعارماي ماتەريالدارىمەن قامتاماسىز ەتۋ تۋرالى ەنەرگەتيكا مينيسترٸ ن. نوعاەۆ, ٶڭٸرلەردەگٸ جاعداي تۋرالى تٷركٸستان وبلىسىنىڭ ەكٸمٸ ٶ. شٶكەەۆ, الماتى وبلىسىنىڭ ەكٸمٸ ا. باتالوۆ, قوستاناي وبلىسىنىڭ ەكٸمٸ ا. مۇحامبەتوۆ باياندادى.
بيىل 22,5 ملن گا جەردٸ يگەرۋ جوسپارلانىپ وتىر, بۇل 2019 جىلعى دەڭگەيدەن 238 مىڭ گا ارتىق. دەندٸ داقىلدار شامامەن 15,2 ملن گا (ونىڭ ٸشٸندە بيداي – 11,4 ملن گا), مايلى داقىلدار 3 ملن گا (+122 مىڭ گا), ماقتا 110 مىڭ گا, قانت قىزىلشاسى 22 مىڭ گا, كٶكٶنٸس-باقشا داقىلدارى جەنە كارتوپ 471,7 مىڭ گا, جەمشٶپ داقىلدارى 3,7 ملن گا جەرگە ەگٸلەدٸ دەپ كٶزدەلگەن.
كٶكتەمگٸ ەگٸس جۇمىستارىن جٷرگٸزۋ ٷشٸن قاجەتتٸ ديزەل وتىنىنىڭ كٶلەمٸ انىقتالدى – 387 مىڭ توننا (اۋىل شارۋاشىلىعى تاۋارىن ٶندٸرۋشٸلەر ٷشٸن ورتاشا باعا – شامامەن 177 تەڭگە/ليتر). رەسپۋبليكادا 143 مىڭ تراكتور, 78 مىڭ تۇقىم سەپكٸش, 243 مىڭ توپىراق ٶڭدەۋ قۇرالدارى, 4 مىڭ ەگٸس كەشەندەرٸ بار. 2020 جىلعى 15 ناۋرىزداعى جاعداي بويىنشا تراكتورلاردىڭ ەزٸرلٸگٸ 94%-دى, تۇقىم سەپكٸشتەر 93%-دى, ەگٸس كەشەندەرٸ 100%-دى, توپىراق ٶڭدەۋ قۇرالدارىنىڭ دايىندىعى 95%-دى قۇرايدى.
اگروٶنەركەسٸپتٸك كەشەن سۋبەكتٸلەرٸن قولداۋ ٷشٸن «اگرارلىق نەسيە كورپوراتسيياسى» اق رەسپۋبليكالىق بيۋدجەتتەن 70 ملرد تەڭگە كٶلەمٸندە بيۋدجەتتٸك نەسيە بٶلدٸ, بۇل ەدەتتەگٸ تەجٸريبەدەن 10 ملرد-قا ارتىق. سوڭعى قارىز الۋشىلار ٷشٸن سىياقى مٶلشەرلەمەسٸ جىلدىق 5%-دان اسپايدى. بٶلٸنگەن قاراجات 3 ملن گا ەگٸس القابىن قامتۋمەن اٶك 2400 سۋبەكتٸسٸن قارجىلاندىرۋعا مٷمكٸندٸك بەرەدٸ.
«جالپى كٶكتەمگٸ ەگٸس جۇمىستارىنا دايىندىق ۋاقىتىلى جٷرگٸزٸلٸپ جاتىر. ٷكٸمەت تاراپىنان كٶكتەمگٸ ەگٸستٸكتٸ قارجىلىق جەنە ماتەريالدىق-تەحنيكالىق قامتاماسىز ەتۋ بويىنشا بارلىق قاجەتتٸ شەشٸمدەر قابىلداندى», — دەدٸ ا. مامين.
ٷكٸمەت باسشىسى كەيبٸر ٶڭٸرلەردٸڭ تۇقىم دايىنداۋ (شقو, بقو, قىزىلوردا, پاۆلودار, اقتٶبە وبلىستارى), اۋىل شارۋاشىلىعى تەحنيكاسىن دايىنداۋ جوسپارلارىنان (بقو, اقمولا, الماتى, قىزىلوردا وبلىستارى) ارتتا قالىپ جاتقانىن, سونداي-اق بارلىق دەرلٸك وبلىستاردا (جامبىل جەنە تٷركٸستان وبلىستارىنان باسقا) تىڭايتقىشتار بويىنشا سۋبسيدييالاردىڭ بەكٸتٸلگەن نورمالارىنىڭ جوقتىعىن اتاپ ٶتتٸ.
«اۋىل شارۋاشىلىعى مينيسترلٸگٸ مەن وبلىس ەكٸمدەرٸ كٶكتەمگٸ ەگٸس جۇمىستارىن ساپالى جٷرگٸزۋ بويىنشا بارلىق قاجەتتٸ شارالاردى ۋاقىتىلى قابىلداسىن. ەنەرگەتيكا مينيسترلٸگٸ بەكٸتٸلگەن كەستە مەن باعاعا سەيكەس قاجەتتٸ ديزەل وتىنىن جەتكٸزۋدٸ قامتاماسىز ەتسٸن», — دەپ تاپسىرما بەردٸ ا. مامين.
پرەمەر-مينيستر «قازاگرو» ۇبح» اق-عا قارجى قاراجاتىن تيٸمدٸ پايدالانۋدى جەنە ولاردىڭ اۋىل حالقى ٷشٸن قولجەتٸمدٸلٸگٸن قامتاماسىز ەتۋدٸ تاپسىردى.
