فوتو: قر ٷكٸمەتٸنٸڭ باسپاسٶز قىزمەتٸ
پرەمەر-مينيستر ەليحان سمايىلوۆ «ارسەلورميتتال تەمٸرتاۋ» كەسٸپورنىن قايتارۋعا قاتىستى تٷسٸنٸك بەردٸ, دەپ حابارلايدى Kazinform.
«بٸز قازٸر وسى باعىتتا ناقتى جۇمىس ٸستەپ جاتىرمىز جەنە بٸز ٶزٸمٸزگە سوڭعى مەرزٸم بەلگٸلەدٸك. ياعني قاراشانىڭ اياعىنا دەيٸن كەلٸسٸمشارتتى بەكٸتۋ ەسكەرٸلگەن. بارلىق جوسپار ويداعىداي ٸسكە اسىرىلسا, كەلەسٸ اپتادا بٸز ونى اياقتاپ, شارت نەتيجەسٸن جارييالايمىز. امت كەسٸپورنىن ساتىپ الۋعا بيۋدجەت قاراجاتى جۇمسالمايتىنىنا, ينۆەستوردىڭ قاراجاتى تارتىلاتىنىنا تاعى دا نازارلارىڭىزدى اۋدارعىم كەلەدٸ. ينۆەستوردىڭ قاراجاتى ەسەبٸنەن بٸز بۇل كەسٸپورىندى ميتتالدان قايتارىپ الامىز», - دەدٸ سمايىلوۆ سەناتتىڭ جالپى وتىرىسىنان كەيٸن تٸلشٸلەر سۇراعىنا جاۋاپ بەرە وتىرىپ.
ونىڭ ايتۋىنشا, الدىن الا كەلٸسٸم بٸر اي بۇرىن جاسالعان.
«ال ەندٸ بٸز كەلەسٸ اپتادا جوسپار بويىنشا ساتىپ الۋ-ساتۋ جٶنٸندەگٸ قورىتىندى كەلٸسٸمگە قول قويۋىمىز كەرەك. بۇل كەلٸسٸمگە قول قويىلماي تۇرىپ, بٸز ينۆەستوردىڭ كٸم ەكەنٸن ايتا المايمىز. بٸراق بۇدان كەيٸن مٸندەتتٸ تٷردە حابارلايمىز», - دەپ ۋەدە بەردٸ پرەمەر-مينيستر.
بۇعان دەيٸن ٶنەركەسٸپ جەنە قۇرىلىس مينيسترٸ قانات شارلاپاەۆ اتالعان كەسٸپورىن اكتيۆٸن قازاقستان رەسپۋبليكاسىنىڭ پايداسىنا ٶتكٸزۋگە مٸندەتتەيتٸن زاڭدى قۇجاتقا قول قويعانشا, كەلٸسٸمنٸڭ قانداي دا بٸر شارتىن ايتا الماتىنىن مەلٸم ەتتٸ.
