قارۋ-جاراق قويماسىنداعى جارىلىستان زارداپ شەككەن ارىس قالاسىن قالپىنا كەلتٸرۋ بيۋدجەتٸ – 56,1 ميلليارد تەڭگە. بۇل تۋرالى قازاقستان پرەمەر-مينيسترٸنٸڭ بٸرٸنشٸ ورىنباسارى – قارجى مينيسترٸ ەليحان سمايلوۆ Tengrinews.kz سايتىنا ايتتى.
سمايلوۆتىڭ سٶزٸنشە, ارىستى جٶندەۋگە ٷكٸمەت قورىنان – 27,5 ملرد تەڭگە, جەرگٸلٸكتٸ بيۋدجەتتەن – 20 ملرد تەڭگە, «سامۇرىق-قازىنا» قورىنان – 6 ملرد تەڭگە بٶلٸنگەن. بۇدان بٶلەك, دەمەۋشٸلەر مەن قايىرىمدىلىق كٶمەكتەن 2,6 ملرد تەڭگە جينالعان.
بۇل قارجى ارىستىڭ ەر تۇرعىنىنا 100 مىڭ تەڭگە ٶتەماقىنى تٶلەۋگە, قالاداعى ٷيلەر مەن ەلەۋمەتتٸك نىسانداردى جٶندەۋگە, جاڭا ٷيلەر سالۋعا جۇمسالادى.
2019 جىلدىڭ 24 ماۋسىمىندا ارىس ماڭىنداعى قارۋ-جاراق قويماسىندا جارىلىس بولدى. جارىلىستان قالاداعى عيماراتتاردىڭ بٸراز بٶلٸگٸ قيراعان. سول كٷنٸ ارىس قالاسىنان 40 مىڭنان استام ادام جاقىن ماڭداعى ەلدٸمەكەندەرگە قاشتى. جارىلىستان ٷش ادام قازا تاپقان. ونىڭ ەكەۋٸ - ەسكەري قىزمەتكەر, بٸرەۋٸ - بەيبٸت تۇرعىن. جٷزدەگەن ادام اۋرۋحاناعا تٷسكەن. سولاردىڭ بٸرٸ 8 جاسار ايان ەربولۇلى 2 تامىزدا اۋرۋحانادا كٶز جۇمدى. ارىستاعى جارىلىستان قاشىپ بارا جاتقان ونى كٶلٸك قاققان.
ارىستاعى جارىلىستان قاشىپ شىمكەنتكە بارعان تۇرعىندار قارۋ قويماسىنا جاقىن ورنالاسقان قالاعا بارمايتىندارىن ايتىپ, بيلٸكتەن باسقا جاققا كٶشٸرۋدٸ تالاپ ەتكەن. بٸراق بيلٸك ارىستىقتاردىڭ بۇل تالابىنا قۇلاق اسپاي, تۇرعىنداردى قالاعا قايتارعان. نۇر-سۇلتان ارىس قالاسىنىڭ ماڭىنداعى وق-دەرٸ قويماسىن باسقا جاققا كٶشٸرۋگە ۋەدە ەتكەن.
ٷكٸمەت ارىستاعى جٶندەۋ جۇمىستارى 1 تامىزعا دەيٸن اياقتالادى دەگەنٸمەن قالادا جۇمىس ەلٸ جالعاسىپ جاتىر. تۇرعىنداردىڭ كەيبٸرٸ جٶندەۋ جۇمىستارىنا كٶڭٸلٸ تولمايدى.
8 تامىزدا ارىسقا جٶندەۋ جۇمىستارىنا بارعان نۇر-سۇلتان تۇرعىنى ەرمەك تٷتەبەكوۆ جول اپاتىنان قايتىس بولدى.
