فوتو: اشىق دەرەككٶز
مەملەكەت باسشىسىنىڭ تاپسىرماسى بويىنشا ەلٸمٸزدە ەنەرگەتيكا سالاسىن دامىتۋ شارالارى جٷزەگە اسىرىلىپ كەلەدٸ, دەپ حابارلايدى Ult.kz.
اتالعان تاپسىرمانى ورىنداۋ اياسىندا 2024-2025 جىلدارداعى كٷزگٸ-قىسقى كەزەڭ اياقتالدى, سونداي-اق ينفراقۇرىلىمدى اۋقىمدى جاڭارتۋعا جەنە «جاسىل» ەنەرگەتيكانى دامىتۋعا دايىندىق جۇمىستارى باستالدى.
كٷزگٸ-قىسقى ماۋسىمنىڭ جىلۋمەن قامتۋدا ٸركٸلٸستەرسٸز ٶتۋٸ ٷكٸمەت قابىلداعان شارالار تيٸمدٸلٸگٸن كٶرسەتتٸ. اۋقىمدى دايىندىق جۇمىستارى جٷرگٸزٸلدٸ: 10 ەنەرگييا بلوگىنا, 55 قازاندىققا جەنە 45 تۋربيناعا كٷردەلٸ جٶندەۋ جۇمىستارى جٷرگٸزٸلدٸ, بۇل جەو مەن جىلۋ جەلٸلەرٸندەگٸ جوعارى توزۋدى ازايتۋ ٷدەرٸسٸن باستاۋعا مٷمكٸندٸك بەردٸ.
قابىلدانعان شارالار ەلەكتر ستانسالارىنداعى تەحنولوگييالىق بۇزۋشىلىقتار سانىن 27%-عا (1070-تەن 782-كە دەيٸن), ال تەمپەراتۋرالىق كەستەنٸ ساقتاماۋ جاعدايلارىن 67%-عا (215-تەن 65-كە دەيٸن) تٶمەندەتۋگە مٷمكٸندٸك بەردٸ.
ماڭىزدى جەتٸستٸك رەتٸندە 12 جەو جاعدايىنىڭ جاقسارۋىن اتاپ ٶتۋگە بولادى: ونىڭ 9-ى «قىزىل» ايماقتان «سارى» ايماققا, ال 3-ۋٸ «سارى» ايماقتان «جاسىل» ايماققا ٶتتٸ. نەتيجەسٸندە, «قىزىل» ايماقتا 10 جەو (بۇرىن 19), «سارى» ايماقتا 17 جەو (بۇرىن 11), «جاسىل» ايماقتا 10 جەو (بۇرىن 7) قالدى. كٶرسەتكٸشتەرٸن جاقسارتقاندار قاتارىندا ەكٸباستۇز, ٶسكەمەن, جەزقازعان, بالقاش, اتىراۋ, ريددەر, كەنتاۋ جەنە باسقا دا ستانسالار بار. ايرىقشا نازار «ماەك» جشس, اقتاۋ جىلۋ جەلٸلەرٸنە جەنە ستەپنوگورسك, تەمٸرتاۋ جەو جۇمىسىنا اۋدارىلدى.
2024 جىلى ەكٸباستۇز 1-گرەس-تٸ قالپىنا كەلتٸرگەن بلوگىن (500 مۆت), اتىراۋ جەو جاڭا تۋربيناسىن (65 مۆت) جەنە جەزقازعانداعى (+43 مۆت) جاڭارتىلعان قازاندىقتى قوسا العاندا, 771 مۆت جاڭا قۋات ەنگٸزٸلدٸ. سونداي-اق جالپى قۋاتى 163,35 مۆت بولاتىن جاڭارتىلاتىن ەنەرگييا كٶزدەرٸ بويىنشا جوبالار ٸسكە قوسىلدى.
ەنەرگەتيكا مينيسترلٸگٸ ەلەكتر ەنەرگيياسى ٷشٸن شەكتٸ تاريفتەردٸ قايتا قارادى, ەلەكتر قۋاتى نارىعىنداعى شەكتٸ تاريف ارتتىرىلدى, قايتارىلاتىن ينۆەستيتسييالاردىڭ جىلدىق ليميتٸ ۇلعايتىلدى. 2024 جىلى قابىلدانعان شارالار جٶندەۋ جۇمىستارىن قارجىلاندىرۋدى بىلتىرعى دەڭگەيمەن سالىستىرعاندا 44%-عا ۇلعايتىپ, 327 ملرد تەڭگەگە جەتكٸزۋگە مٷمكٸندٸك بەردٸ.
سونىمەن قاتار كەلەسٸ جىلىتۋ ماۋسىمىنا دايىندىق جۇمىستارى باستالىپ كەتتٸ. اتالعان جۇمىستار اياسىندا 10 ەنەرگەتيكالىق بلوك, 63 قازاندىق جەنە 39 تۋربينانى جٶندەۋ جۇمىستارى جوسپارلانعان, كەيبٸر جۇمىستار قازٸردٸڭ ٶزٸندە جٷرٸپ جاتىر. ورتالىقتاندىرىلعان جىلۋمەن قامتۋ ايماعىنداعى 66 جىلۋ ورتالىعىندا 53 قازاندىقتى جٶندەۋ جەنە رەكونسترۋكتسييالاۋ جۇمىستارى جوسپارلانعان.
كٷن جىلىنعان سوڭ 17 مىڭ شاقىرىم ەلەكتر جەلٸسٸ مەن 323 شاقىرىم جىلۋ قۇبىرىن جاڭارتۋ جۇمىستارى باستالادى.
ۇلتتىق ەنەرگەتيكانى جاڭعىرتۋ ۇلتتىق جوباسى اياسىندا جالپى بيۋدجەتٸ 4 ترلن تەڭگە بولاتىن 77,5 مىڭ شاقىرىم ەلەكتر جەلٸلەرٸ مەن 1,6 مىڭ شاقىرىم جىلۋ جەلٸلەرٸ جاڭارتىلادى. 2029 جىلعا دەيٸن بۇل ەلەكتر جەلٸلەرٸنٸڭ توزۋىن 45%-عا, جىلۋ جەلٸلەرٸنٸڭ توزۋىن 42%-عا تٶمەندەتۋگە مٷمكٸندٸك بەرەدٸ. گەنەراتسييا سالاسىندا 7,3 گۆت جاڭا قۋات ەنگٸزۋ, ونىڭ ٸشٸندە قولدانىستاعى ستانسالاردى جاڭارتۋ جەنە جاڭا ستانسالار سالۋ جوسپارلانۋدا. 2029 جىلعا دەيٸن 29 جوبانى اياقتاۋ جوسپارلانعان, بۇل ەلەكتر ستانسالارىنىڭ ورتاشا توزۋىن 40%-عا دەيٸن تٶمەندەتۋگە مٷمكٸندٸك بەرەدٸ.
جاڭارتىلاتىن ەنەرگييا كٶزدەرٸن دامىتۋ دا باسىم باعىت بولىپ قالا بەرەدٸ: 2024 جىلى 153 نىسان 7,58 ملرد كۆت·ساع نەمەسە جالپى ٶندٸرٸستٸڭ 6,43%-ى ٶندٸردٸ. 8 جاڭا ستانسا (163,35 مۆت) ٸسكە قوسىلدى, ال 2025 جىلدىڭ سوڭىنا دەيٸن تاعى 9 جەك جوباسى (455,5 مۆت) ٸسكە قوسىلادى. قازٸردٸڭ ٶزٸندە بيىلعى جىلدىڭ اقپان ايىندا قاراعاندى وبلىسىندا «گيپەربورەيا» جشس-مەن قۋاتى 50 مۆت جەل ەلەكتر ستانساسى ٸسكە قوسىلدى.
