ٷكٸمەتتٸك ەمەس ۇيىمدارعا گرانت بٶلۋدٸ ارنايى كوميسسييا شەشەدٸ. بۇل تۋرالى قر اقپارات جەنە قوعامدىق دامۋ مينيسترلٸگٸ ازاماتتىق قوعام ٸستەرٸ كوميتەتٸنٸڭ تٶراعاسى مادييار قوجاحمەت ايتتى, دەپ حابارلايدى قازاقپارات.
«ەلٸمٸزدە 22 مىڭ ٷكٸمەتتٸك ەمەس ۇيىم جۇمىس ٸستەيدٸ. ەگەر گرانتتاردى بٶلۋگە ارنالعان سوڭعى كونكۋرستىڭ نەتيجەلەرٸ جايىندا ايتار بولساق, وندا بٸز 50 جوبانى جٷزەگە اسىرۋعا شامامەن بٸر ملرد تەڭگە بيۋدجەت قاراجاتىن بٶلدٸك. كونكۋرسقا 328 ۇيىم قاتىستى. ونىڭ ٸشٸندە ەلۋ ٷكٸمەتتٸك ەمەس ۇيىم جەڭٸمپاز دەپ تانىلدى. ولاردىڭ قاتارىندا ٶتكەن جىلى, ەكٸ جىل بۇرىن تٸركەلگەن ۇيىمدار بار. سانى جاعىنان ايتار بولساق, جاڭا جەنە باياعىدان جۇمىس ٸستەپ كەلە جاتقان ۇيىمدار اراسىنداعى تەپە-تەڭدٸك ساقتالادى. كەيبٸر جوبالاردى بۇل سالادا 10 جىل جۇمىس ٸستەپ كەلە جاتقان, ال كەيبٸرٸن بۇل ٸسپەن اينالىسا باستاعان ۇيىمدار جٷزەگە اسىرادى. كونكۋرسقا جەڭٸسكە جەتە الماي قالعان ٶزگە ۇيىمداردىڭ كەيبٸرٸ نەتيجەمەن كەلٸسپەي, بايقاۋدىڭ اشىق ٶتپەگەندٸگٸن ايتادى. مەملەكەت بارلىق ٷكٸمەتتٸك ەمەس ۇيىمداردى قارجىلاندىرۋدى ماقسات ەتپەگەندٸگٸن اتاپ ٶتكٸم كەلەدٸ. سوندىقتان تاپسىرىس كونكۋرستا ٶزٸنٸڭ دايىندىعىن ەرٸ نەتيجەلٸلٸگٸن كٶرسەتە العان ۇيىمدار عانا الدى. قارجى بٶلۋ تۋرالى شەشٸمدٸ مەن ەمەس ارناۋلى كوميسسييا شىعارادى», – دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
مادييار قوجاحمەتتٸڭ اتاپ ٶتۋٸنشە, گرانتتىق جوبالاردى جٷزەگە اسىرۋ ٷشٸن ازاماتتىق باستامالاردى قولداۋ ورتالىعى قۇرىلعان. ول سوڭعى بەس جىلدان استام ۋاقىت بويى جۇمىس ٸستەيدٸ.
