ۇلتتىق ەكونوميكا مينيسترلٸگٸ ەكولوگييالىق تٶلەمدەردەن تٷسەتٸن قاراجاتتى 100 پايىز ەكولوگييالىق مەسەلەلەرگە باعىتتاۋ باستاماسىن قولدادى, دەپ حابارلايدى قازاقپارات.
ايتا كەتسەك, پارلامەنت مەجٸلٸسٸندە ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ قر كەيبٸر زاڭنامالىق اكتٸلەرٸنە ەكولوگييا مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسىن قورعاعان بولاتىن.
زاڭ جوباسىن تالقىلاۋ بارىسىندا دەپۋتات تاراس قيتۋوۆ ۇلتتىق ەكونوميكا ۆيتسە-مينيسترٸ ەرمەك الپىسوۆقا سۇراق قويدى.
«ەكولوگييالىق كودەكس جوباسىندا ەكولوگييالىق تٶلەمدەردٸ ٶڭٸرلەردٸڭ جەرگٸلٸكتٸ ەكولوگييالىق قاجەتتٸگٸنە 100 پايىز باعىتتاۋ تۋرالى نورمالار بار. ايتىڭىزشى, بۇل مەسەلە بويىنشا سٸزدٸڭ ۇستانىمىڭىز قانداي?» - دەدٸ تاراس قيتۋوۆ.
بۇل سۇراققا جاۋاپ بەرگەن ەرمەك الپىسوۆ جالپى بۇل تەتٸكتٸ ۇلتتىق ەكونوميكا مينيسترلٸگٸ قولدايتىنىن مەلٸم ەتتٸ.
«جەرگٸلٸكتٸ بيۋدجەتكە تٷسەتٸن ەكولوگييالىق تٶلەمدەر جەرگٸلٸكتٸ پروبلەمالاردى شەشۋ مەسەلەسٸنە باعىتتالۋى كەرەك. الدىن الا بيۋدجەتتٸك كودەكسكە سٸلتەمە رەتٸندە ەكولوگييا كودەكسٸندە بۇل مەسەلە قاراستىرىلاتىنى جازىلعان», - دەدٸ ول.
ەرمەك الپىسوۆتىڭ بۇل سٶزٸنە پارلامەت مەجٸلٸسٸنٸڭ تٶراعاسى نۇرلان نىعماتۋلين قولداۋ بٸلدٸردٸ.
«دۇرىس. بۇل ٶتە ماڭىزدى شارۋا. از بولسا دا, كٶپ بولسا دا ەكولوگييالىق تٶلەمدەر جەرگٸلٸكتٸ بيۋدجەتكە تٷسەدٸ. ال ودان كەيٸن ول اقشا قايدا, قانداي ماقساتقا جۇمسالدى – ونى بٸر قۇداي بٸلەدٸ. جاسىراتىنى جوق, سول اقشا ەكولوگييادان تىس باسقا جاعدايعا جۇمسالاتىنى بار. سولاي ەمەس پە? ەندٸ وسى زاڭ جوباسىنا سەيكەس ەكولوگييالىق تٶلەمدەر تەك قورشاعان ورتانى قورعاۋ شارالارىنا جۇمسالاتىن بولادى. بۇل ٶتە دۇرىس ەرٸ قاجەتتٸ دەپ ويلايمىن. سوندىقتان بۇل نورمانى قولدايمىز», - دەدٸ نۇرلان نىعماتۋلين.
