ەۋروپا فۋتبول قاۋىمداستىعى وداعى (ۋەفا) ۋكرايناداعى وقيعالارعا بايلانىستى سانكت-پەتەربۋرگتە جوسپارلانعان چەمپيوندار ليگاسىنىڭ فينالى ٶتەتٸن ورىندى اۋىستىردى, - دەپ حابارلايدى Tengrinews.kz تٸلشٸسٸ ۋەفا سايتىنا سٸلتەمە جاساپ.
تۋرنيردٸڭ فينالدىق كەزدەسۋٸ 28 مامىردا سانكت-پەتەربۋرگتەگٸ "گازپروم ارەنادا" ٶتۋٸ كەرەك ەدٸ. ۋەفا اتقارۋ كوميتەتٸنٸڭ شەشٸمٸ بويىنشا, ويىن سول كٷنٸ پاريجدٸڭ سولتٷستٸگٸندەگٸ سەن-دەنيدە ورنالاسقان "ستاد دە فرانس" ستاديونىندا ٶتەدٸ.
"ۋەفا اتقارۋشى كوميتەتٸ 2021/22 جىلعى ۋەفا چەمپيوندار ليگاسىنىڭ فينالىن سانكت-پەتەربۋرگتەن سەنت-دەنيدەگٸ "ستاد-دە-فرانس" ستاديونىنا كٶشٸرۋ تۋرالى شەشٸم قابىلدادى. ويىن جوسپارلانعانداي 28 مامىردا, سەنبٸدە ٶتەدٸ. ويىن ساعات 21-دە باستالادى", - دەلٸنگەن ۋەفا مەلٸمدەمەسٸندە.
