ۋەفا-نىڭ (ەۋروپا فۋتبول قاۋىمداستىقتارى وداعى) بۇرىنعى پرەزيدەنتٸ ميشەل پلاتيني 2022 جىلعى ەلەم چەمپيوناتىن ٶتكٸزەتٸن ەلدٸ انىقتاۋ ٷشٸن ٶتكەن سايلاۋدا سىبايلاس جەمقورلىققا جول بەردٸ دەگەن كٷدٸكپەن سەيسەنبٸ كٷنٸ قاماۋعا الىندى, دەپ حابارلايدى The Telegraph.
باسىلىمىنىڭ حابارلاۋىنشا, فرانتسييانىڭ نانتەررە قالاسىنىڭ سوتتىق پوليتسيياسى بٷگٸن تاڭەرتەڭ پلاتينيدٸ جەمقورلىققا قارسى باسقارماعا جەتكٸزگەن. ونى فۋتبولدان 2022 جىلى ەلەم چەمپيوناتىن كاتاردا ٶتكٸزۋ مەرتەبەسٸن بەرۋ كەزٸندە پارا الدى دەگەن ايىپ تاعىلعان. سونىمەن قاتار, وسى ٸس بويىنشا كلود گەان دا ايىپتالۋدا. ول نيكوليا ساركوزي پرەزيدەنت بولىپ تۇرعاندا ەليسەيسك سارايىنىڭ باس حاتشىسى قىزمەتٸن اتقارعان. الايدا ول بوستاندىقتا جٷر.
ميشەل پلاتيني 2007-2015 جىلدار ارالىعىندا ەۋروپا فۋتبول قاۋىمداستىقتارى وداعىن باسقارعان. بۇل لاۋازىمىن فيفا ونى سەگٸز جىلعا فۋتبولدان شەتتەتكەن سوڭ تاپسىرعان.
ونىڭ قاماۋعا الىنۋىنا - 2011 جىلى فيفا-نىڭ ەسەپ شوتىنان پلاتينيگە 2 ملن ەۋروعا جۋىق اقشانىڭ اۋدارىلعانى سەبەپ. اقشانى 1998-2015 جىلدار ارالىعىندا فيفا-نى باسقارعان يوزەف بلاتتەر اۋدارعان. وسى وقيعاعا بايلانىستى بلاتتەر دە فۋتبولدان شەتتەتٸلگەن بولاتىن.
ارتىنشا پلاتيني اپەللياتسييا بەرگەن سوڭ شەتتەتٸلۋ مەرزٸمٸ قىسقارتىلىپ, 2019 جىلدىڭ قازان ايىندا اياقتالۋى تيٸس ەدٸ.
ەسكە سالا كەتەيٸك, فۋتبولدان 2022 جىلعى ەلەم چەمپيوناتىن ٶتكٸزۋ ٷشٸن كٷرەستە قاتار 2010 جىلى اقش, اۋسترالييا, وڭتٷستٸك كورەيا مەن جاپونييانى ارتتا قالدىرعان بولاتىن. كەيٸن فۋتبول شەنەۋنٸكتەرٸ ٶتٸنٸم بەرۋدە داۋىستاردى ساتىپ الدى دەپ ايىپتالعان. فيفا تەۋەلسٸز كوميسسيياعا بۇل ٸس بويىنشا تەرگەۋ جٷرگٸزۋدٸ تاپسىرعان, الايدا ساتىپ الۋ ايعاعى انىقتالمادى.
پلاتيني دە, بلاتتەر دە ٶزدەرٸنە تاعىلعان ايىپتىڭ بٸر دە بٸرٸن ەزٸرگە مويىنداعان جوق.
