بٷگٸن, 22 شٸلدەدە UEFA كونفەرەنتسييا ليگاسى ەكٸنشٸ ٸرٸكتەۋ ساتىسىنداعى العاشقى كەزدەسۋدە ەلوردالىق «استانا» گرەكييانىڭ «اريس» كومانداسىنان باسىم تٷستٸ, دەپ حابارلايدى "ۇلت اقپارات".
ويىن باسىنان ەكٸ كوماندا بٸر-بٸرٸنٸڭ قاقپاسىنا گول سوعاتىن مٷمكٸندٸكتٸ ٸزدەدٸ. نەگٸزٸنەن «استانا» العا قاراي جيٸ ۇمتىلدى. ٶزٸنٸڭ الاڭىندا جەڭٸسكە جەتكەن جاعدايدا جارىستىڭ كەلەسٸ ساتىسىنا شىعۋعا مٷمكٸندٸك ارتا تٷسەدٸ. ەلوردالىق كلۋب فۋتبولشىلارى وسىنداي ويمەن جاسىل الاڭعا شىقتى.
نەتيجەسٸندە 24-مينۋتتا ەلوردالىق كلۋبتان مارين توماسوۆ قاقپانى دەل كٶزدەپ, ٶزٸنٸڭ كومانداسىن العا شىعاردى. بۇدان كەيٸن ەكٸ كوماندا دا گول سوعاتىن سەتتەر دە كەزدەستٸ. بٸرٸنشٸ كەزەڭدە تابلوداعى ەسەپ ٶزگەرگەن جوق.
ەكٸنشٸ كەزەڭدە مارين توماسوۆ شابۋىل شەبٸندە جيٸ بوي كٶرسەتتٸ. ول 70-مينۋتتا ٶزٸنٸڭ ەكٸنشٸ گولىن سوعىپ, «استانانىڭ» باسىمدىعىن ارتتىرا تٷستٸ.
كەزدەسۋدە «استانا» قارسىلاسىنان 2:0 ەسەبٸمەن باسىم تٷستٸ. قارىمتا كەزدەسۋ 29 شٸلدەدە گرەكييادا ٶتكٸزٸلەدٸ.
UEFA قاراماعىنداعى چەمپيوندار ليگاسى مەن ەۋروپا ليگاسىنان كەيٸنگٸ ٷشٸنشٸ دەڭگەيدەگٸ قۇرلىقتىق كلۋبتىق فۋتبول تۋرنيرٸ. تۋرنيرگە UEFA قۇرامىنداعى رەيتينگٸ تٶمەن چەمپيونات كوماندالارى قاتىسادى. ەربٸر ەلدٸڭ چەمپيونى بۇرىنعىسىنشا چەمپيوندار ليگاسىندا باق سىنايدى. ال 2-3 ورىن العان كلۋبتار جەنە كۋبوك يەگەرلەرٸ ەۋروپا ليگاسىنا ەمەس, كونفەرەنتسييالار ليگاسىندا دوپ تەبەدٸ.
ايتا كەتسەك, بٷگٸن اتالعان تۋرنيردە سىرت الاڭدا قوستانايدىڭ «توبىلى» حورۆاتييانىڭ «حايدۋك», قاراعاندىنىڭ «شاحتەرٸ» رۋمىنييانىڭ فكسب ( بۇرىنعى اتاۋى «ستياۋا») كلۋبتارىمەن شەبەرلٸك بايقاسادى.
