«جۇرتقا جاقىن پوليتسييا» قاعيداتىن ٸسكە اسىرۋ شەڭبەرٸندە ماڭعىستاۋ وبلىسىندا پوليتسييانىڭ 49 تٸرەك پۋنكتٸ سالىنادى. بۇل تۋرالى ٸشكٸ ٸستەر مينيسترٸ ەرلان تۇرعىمباەۆ ٶڭٸرگە جۇمىس ساپارى بارىسىندا مەلٸمدەدٸ, دەپ حابارلايدى "ۇلت اقپارات".
وبلىس ەكٸمٸ سەرٸكباي تۇرىموۆپەن كەزدەسۋ بارىسىندا ٸٸم باسشىسى قۇقىق بۇزۋشىلىقتىڭ الدىن الۋدا ۋچاسكەلٸك ينسپەكتورلار جۇمىسىنىڭ ماڭىزى زور ەكەنٸن اتاپ ٶتتٸ. سوندىقتان وبلىستا ۋچاسكەلٸك پۋنكتەر جەلٸسٸن قۇرۋ قولعا الىنعان. وسى جىلدىڭ اياعىنا دەيٸن ٶڭٸردە وسىنداي 14 پۋنكت سالىنادى.
ەلٸمٸزدٸڭ باس پوليتسەيٸ پوليتسييا دەپارتامەنتٸنٸڭ ٶڭٸردەگٸ بٸرقاتار نىسانىن ارالادى. ولاردىڭ قاتارىندا اقتاۋ قالاسىنىڭ جاعالاۋىندا ورنالاسقان «كاسپيي» مودۋلدٸك ستاتسيونارلىق بەكەتٸ بار. بەينەكامەرالاردىڭ كٶمەگٸمەن بۇل بەكەت جاعالاۋ ايماعىن تولىق باقىلاۋدى جٷزەگە اسىرادى جەنە تەۋلٸك بويى قوعامدىق قاۋٸپسٸزدٸكتٸ قامتاماسىز ەتەدٸ.
قازٸرگٸ ۋاقىتتا اقتاۋ قالاسىندا 127 كامەرا جۇمىس ٸستەيدٸ جەنە جاقىن ارادا تاعى 600 كامەرا ورناتۋ جوسپارلانۋدا.
سونىمەن قاتار, مينيستر قۇقىقتىق تەرتٸپتٸ قامتاماسىز ەتۋدەگٸ ەرٸكتٸلەردٸڭ رٶلٸن ەرەكشە اتاپ ٶتتٸ. ٶڭٸردە مىڭنان استام ادام پوليتسيياعا ٶز ەركٸمەن كٶمەكتەسۋدە. ولار جوعالعان ادامداردى ٸزدەۋگە, رەيدتٸك جەنە الدىن الۋ ٸس-شارالارىن جٷرگٸزۋگە قاتىسادى. ۋچاسكەلٸك جەنە پاترۋلدٸك قىزمەتكەرلەرٸمەن بٸرگە ولار قۇقىقتىق تٷسٸندٸرۋ جۇمىستارىن جٷرگٸزەدٸ. ەرلان تۇرعىمباەۆ ەرٸكتٸلەردٸڭ بەلسەندٸ ازاماتتىق ۇستانىمىن جوعارى باعالاپ, ىنتىماقتاستىق ٷشٸن العىسىن بٸلدٸردٸ.
ٸٸم باسشىسى سونداي-اق ماڭعىستاۋ وبلىسىنداعى پوليتسييا مۇراجايىندا بولىپ, ٸشكٸ ٸستەر ورگاندارىنىڭ ارداگەرلەرٸمەن كەزدەسۋ ٶتكٸزدٸ. ولاردىڭ باستامالارى مەن ۇسىنىستارىن تىڭدادى. ارداگەرلەر ۋچاسكەلٸك ينسپەكتورلارعا ٶز ەرٸكتەرٸمەن كٶمەكتەسۋگە نيەت بٸلدٸرٸپ, ەربٸر تٸرەك پۋنكتٸنە ٶزدەرٸن بٸر-بٸردەن بەكٸتۋدٸ ۇسىندى.
پوليتسييا نىساندارىن ارالاۋ كەزٸندە ەرلان تۇرعىمباەۆ ەل باسشىلىعىنىڭ قۇقىق قورعاۋ ورگاندارىن رەفورمالاۋ جٶنٸندەگٸ تاپسىرمالارىنىڭ ورىندالۋىن بارىسىن تەكسەردٸ, سونداي-اق ٶڭٸردەگٸ پوليتسييا قىزمەتٸنٸڭ 2021 جىلعا ارنالعان باسىم باعىتتارىن ايقىندادى.
ايتا كەتەيٸك, كەشە قر ٸشكٸ ٸستەر مينيسترٸ ەرلان تۇرعىمباەۆ جۇمىس ساپارىمەن اتىراۋ وبلىسىندا بولعان ەدٸ.
