75 مىڭنان استام تالاپكەر 51 تەستٸلەۋ پۋنكتٸندە ۇبت تاپسىردى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
ونىڭ ٸشٸندە 52 512 تٷلەك تەستٸلەۋدٸ قازاق تٸلٸندە, 19 622 – ورىس تٸلٸندە, 182 – اعىلشىن تٸلٸندە تاپسىردى. 5 پەن بويىنشا ورتاشا بالل 68,94 قۇرايدى, ەڭ جوعارى بالل – 138.
«ۇلتتىق بٸرىڭعاي تەستٸلەۋ شتاتتىق رەجيمدە ٶتٸپ جاتىر. بٷگٸنگٸ تاڭدا 87 تٷلەك تەستٸلەۋگە كٸرگٸزۋ كەزٸندە اۋديتوريياعا تىيىم سالىنعان زاتتاردى الىپ كٸرۋگە تىرىسقانى ٷشٸن ۇبت تاپسىرۋ مٷمكٸندٸگٸنەن ايىرىلدى. تەستٸلەۋ ەرەجەسٸن بۇزعانى ٷشٸن اۋديتورييادان 287 ادام شىعارىلىپ, ولاردىڭ تەستٸلەۋ نەتيجەسٸ جويىلدى», – دەدٸ قر بعم ۇلتتىق تەستٸلەۋ ورتالىعىنىڭ ديرەكتورى ديدار سماعۇلوۆ.
تەستٸلەۋگە كٸرگٸزۋ كەزٸندە 8 تٷلەكتٸڭ دەنە قىزۋى كٶتەرٸلٸپ, بۇل تٷلەكتەر ۇبت-نى باسقا كٷنٸ بٶلەك تاپسىرادى.
ەستەرٸڭٸزگە سالا كەتەيٸك, بيىل تٷلەكتەردٸڭ ۇبت-نى ەكٸ رەت تاپسىرۋعا مٷمكٸندٸگٸ بار.
ولار ەڭ جاقسى نەتيجەسٸ بار سەرتيفيكاتپەن مەملەكەتتٸك بٸلٸم گرانتىن تاعايىنداۋ كونكۋرسىنا قاتىسا الادى.
