75 myńnan astam talapker 51 testileý pýnktinde UBT tapsyrdy, dep habarlaidy "Ult aqparat" Bilim jáne ǵylym ministrligine silteme jasap.
Onyń ishinde 52 512 túlek testileýdi qazaq tilinde, 19 622 – orys tilinde, 182 – aǵylshyn tilinde tapsyrdy. 5 pán boiynsha ortasha ball 68,94 quraidy, eń joǵary ball – 138.
«Ulttyq biryńǵai testileý shtattyq rejimde ótip jatyr. Búgingi tańda 87 túlek testileýge kirgizý kezinde aýditoriiaǵa tyiym salynǵan zattardy alyp kirýge tyrysqany úshin UBT tapsyrý múmkindiginen aiyryldy. Testileý erejesin buzǵany úshin aýditoriiadan 287 adam shyǵarylyp, olardyń testileý nátijesi joiyldy», – dedi QR BǴM Ulttyq testileý ortalyǵynyń direktory Didar Smaǵulov.
Testileýge kirgizý kezinde 8 túlektiń dene qyzýy kóterilip, bul túlekter UBT-ny basqa kúni bólek tapsyrady.
Esterińizge sala keteiik, biyl túlekterdiń UBT-ny eki ret tapsyrýǵa múmkindigi bar.
Olar eń jaqsy nátijesi bar sertifikatpen memlekettik bilim grantyn taǵaiyndaý konkýrsyna qatysa alady.
