بٷگٸن پارلامەنت مەجٸلٸسٸنٸڭ جالپى وتىرىسىندا قر ۇلتتىق بانك تٶراعاسى دانييار اقىشەۆ تەڭگەنٸڭ ايىرباس باعامىنا قاتىستى تٷسٸنٸك بەردٸ, دەپ حابارلايدى قازاقپارات.
«ۇلتتىق بانك شەكاراسى, دەلٸزٸ نەمەسە باسقا دا باعدارى جوق ٶزگەرمەلٸ ايىرباس باعامى ساياساتىن جالعاستىرادى. ۆاليۋتا باعامى نەگٸزٸنەن ەلٸمٸزدەگٸ تٶلەم بالانسى جاعدايىنا بايلانىستى, ياعني شەتەل ۆاليۋتاسىنىڭ ەلٸمٸزگە تٷسٸمٸ مەن جىلىستاۋىنىڭ تەڭگەرٸمٸ ەسەرٸنەن قالىپتاساتىنىنا سەنٸمدٸمٸز. بۇل سىرتقى كٷيزەلٸستەردٸ ازايتۋعا جەنە ەكونوميكامىزدىڭ بەسەكەگە قابٸلەتتٸلٸك كٶرسەتكٸشتەرٸن دەرەۋ تٷزەتۋگە مٷمكٸندٸك بەرەدٸ», - دەپ توقتالدى ۇب باسشىسى «2019-2021 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تالقىلاۋ كەزٸندە.
الدىن الا دەرەكتەر بويىنشا 2018 جىلدىڭ 9 ايىندا تٶلەم بالانسىنىڭ ايتارلىقتاي جاقسارۋى بايقالدى. ٶتكەن جىلى 4,6 ملرد دوللاردى قۇرعان اعىمداعى شوت تاپشىلىعى 0,9 ميلليارد دوللارعا نەمەسە 5,4 ەسەگە دەيٸن تٶمەندەدٸ.
«2018 جىلدىڭ ٷشٸنشٸ توقسانىندا اعىمداعى شوت تاپشىلىعى تەك 0,1 ملرد اقش دوللارىن قۇرادى, بۇل سوڭعى جىلدارعى ەڭ جاقسى كٶرسەتكٸش.
الداعى جىلدارداعى اعىمداعى شوت تاپشىلىعى كٶلەمٸنٸڭ تٶمەندەۋ ٷردٸسٸ كٷتٸلۋدە, بۇل ۇلتتىق ۆاليۋتا تۇراقتىلىعىنا جاعىمسىز فاكتورلاردى بارىنشا ازايتۋعا مٷمكٸندٸك بەرەدٸ. ايىرباس باعامى بويىنشا قىسقا مەرزٸمدٸ تەۋەكەلدەرگە توقتالساق, جاھاندىق قارجى نارىقتارىنداعى بەلگٸسٸزدٸك جەنە نەگٸزگٸ ساۋدا ەرٸپتەس ەلدەرٸنٸڭ ۆاليۋتا باعامدارى جاعدايىنىڭ ناشارلاۋى بولىپ قالادى», - دەدٸ د. اقىشەۆ.
بەلگٸلٸ بولعانداي, جىلدىڭ باسىنان 30 قازانعا دەيٸن ۆاليۋتا نارىعىندا تەڭگە باعامى 10,9 پايىزعا ەلسٸرەدٸ جەنە بٸر اقش دوللارى ٷشٸن 368,55 تەڭگەنٸ قۇردى.
«بۇل ايىرباس باعام ساياساتى ۆاليۋتالىق رەزەرۆتەردٸ ساقتاۋعا مٷمكٸندٸك بەرەدٸ. قىركٷيەكتٸڭ سوڭىندا ۇلتتىق بانكتٸڭ التىن-ۆاليۋتا رەزەرۆتەرٸ 30 ملرد اقش دوللارىن, ۇلتتىق قوردىڭ اكتيۆتەرٸ - 56,3 ملرد اقش دوللارىن قۇرادى. حالىقارالىق رەزەرۆتەردٸڭ جالپى كٶلەمٸ 86,3 ملرد اقش دوللارىنا جەتتٸ», - دەدٸ ول.
بۇدان بۇرىن حابارلانعانداي, بازالىق ستاۆكانىڭ جاڭا دەڭگەيٸ تەڭگە اكتيۆتەرٸنە سۇرانىستى ارتتىرادى.
