ەلٸمٸزدە 7 قاڭتاردا كٷشٸنە ەنگەن نورماعا قاتىستى "ۋاقىتشا تٸركەۋ" تۋرالى شۋعا شىمكەنت قالاسىنىڭ ەكٸمٸ عابيدوللا ەبدٸراحىموۆ بار-جوعى 50 سەكۋندتا جيىلعان حالىققا تٷسٸندٸردٸ, - دەپ جازادى "ۇلت اقپارات" kaz.tengrinews.kz پورتالىنا سٸلتەمە جاساپ.
حالىقپەن كەزەكتٸ كەزدەسۋٸندە سٶز سٶيلەگەن ەكٸم ۋاقىتشا تٸركەۋ مەسەلەسٸنە قاتىستى تٷسٸنٸك بەرگەن بولاتىن. "مۇندا مەسەلە ۋاقىتشا تۇراتىن ادامدار جايلى, مىنا جەتٸسايدان كەلگەندەر, ماقتاارالدان كەلدٸ, ورداباسىدان كەلدٸ, باسقا جەردەن كەلدٸ, شىمكەنتتە كٶپ ادام تۇرىپ جاتىر. بٸزدە ستاتيستيكا بويىنشا 900 مىڭ ادام دەيمٸز. ال شىن مەنٸندە قانشا? 1 ميلليون 200, دۇرىس پا? ال بٸز بيۋدجەتتٸ قاراعان كەزدە, مىنا بٸز - ەكٸمدٸك 900 مىڭ ادامعا قارايمىز, اۆتوبۋستار 900 مىڭ ادامعا جەتسٸن, اۋرۋحانا 900 مىڭ ادامعا جەتۋٸ كەرەك, ال نەگٸزٸندە 1 ميلليون 200 ادام. سوندا 300 مىڭ ادام قايدا بارادى? ولار دا بٸزدٸڭ اۋرۋحاناعا بارادى, ولار دا بٸزدٸڭ اۆتوبۋسقا مٸنەدٸ. سونىڭ بارلىعىن ەسەپتەۋ ٷشٸن تٸركەۋ قاجەت, بۇل نەرسەگە تٷسٸنٸكپەن قاراڭىزدار. ول ەلەمدەگٸ تەرتٸپ. سٸزدەر مىناۋ مەنٸڭ ٷيٸم دەپ قالاي دەلەلدەيسٸزدەر? بۇل نەرسەگە تٷسٸنٸكپەن قاراڭىزدار. بۇدان ٷلكەن پروبلەما شىعارۋدىڭ ەش سەبەبٸ جوق", - دەپ مەلٸمدەدٸ ەكٸم جيىندا.
شىمكەنت ەكٸمٸنٸڭ بۇل سٶزٸ تٷسٸرٸلگەن ۆيدەونى Facebook ەلەۋمەتتٸك جەلٸسٸنە جارييالاعان ايگٷل ورىنبەك "مينيسترلەر مەن دەپۋتتار تٷسٸندٸرە الماعان "تٸركەۋ" جايلى زاڭ جوباسىن شىمكەنتتٸڭ əكٸمٸ عابيدوللا جالپاق تٸلدە تٷسٸندٸرٸپ بەردٸ", - دەپ جازدى.
ال باقىت سىزدىقوۆا "عابيدوللا تٷسٸندٸرە بٸلەدٸ", - دەپ پٸكٸر قالدىرعان. دەۋرەن ماقسۇتحانۇلى ەسٸمدٸ قولدانۋشى بولسا ەكٸمگە ريزا بولعانىن جازدى. "ەي, بەرەكەلدٸ, عابيدوللا! قاراپايىم جۇرتتىڭ تٸلٸمەن تٷسٸندٸرگەن ەكەن, مۇنداي ەكٸمدەر جوقتىڭ-قاسى", - دەيدٸ ول.
الايدا ۋاقىتشا تٸركەۋ مەسەلەسٸنٸڭ باسقا مەسەلەلەرٸنە نازار اۋدارعان قولدانۋشىلار بولدى. مەسەلەن, ايجارىق ەسالي دەگەن قولدانۋشى "تٷسٸنبەي جٷرگەن جوقپىز. تٸركەۋ كەرەك ەكەنٸن بٸلەمٸز. تەك ٶتە ساۋاتسىز, جٷيەسٸز, دايىندىقسىز, زورلىقپەن جٷرگٸزٸلمەسٸن دەيمٸز. حالىق جٷيەلٸ زاڭعا قاشاندا مويىنۇسىنادى", - دەپ جازدى.
ەسكە سالايىق, 10 قاڭتاردا ٷكٸمەت وتىرىسى كەزٸندە پرەمەر-مينيستر باقىتجان ساعىنتاەۆ "ازاماتتارعا ارنالعان ٷكٸمەت" جۇمىسىن سىنعا العان بولاتىن. "بٸز "ازاماتتارعا ارنالعان ٷكٸمەتتٸ" قۇردىق. نەتيجەسٸندە ونىڭ نەمەن اينالىسىپ جاتقانى تٷسٸنٸكسٸز. ادامدارعا ونلاين رەجيمدە تٸركەمەيتٸندەرٸڭٸز جايلى ايتاسىزدار, ولاي بولسا بۇل ٷكٸمەتتٸ نەگە قۇردىق? ەشقانداي دا جاعداي جاساماسىڭىزدار...", - دەگەن ەدٸ پرەمەر-مينيستر مەملەكەتتٸك كورپوراتسييانىڭ تٶراعاسى دانييار ەرەنشٸنوۆكە.
سونداي-اق, ٷكٸمەت باسشىسى ونلاين تٸركەۋگە قاتىستى دا سىن ايتقان ەدٸ. "قىزمەتتٸڭ بۇل تٷرٸ بٸر اي ٸشٸندە جٷزەگە اسىرىلاتىن بولادى", - دەگەن دانييار ەرەنشٸنوۆكە پرەمەر-مينيستر بٸر ايدان سوڭ حالىق اراسىندا دٷرلٸگۋدٸڭ ازاياتىنى, سوندىقتان دا ەندٸ ونلاين رەجيمنٸڭ قاجەت بولماي قالاتىنىن ايتقان. ال 17 قاڭتاردا ەلٸمٸزدە ونلاين تٸركەلۋ مٷمكٸن بولدى. ال كەيٸن دانييار ەرەنشٸنوۆنٸڭ وتستاۆكاعا كەتكەنٸ بەلگٸلٸ بولدى.
