21-22 سەۋٸردە قر تٶتەنشە جاعدايلار مينيسترٸ يۋريي يلين اقمولا جەنە سولتٷستٸك قازاقستان وبلىستارىنىڭ سۋ تاسقىنى قاۋپٸ بار ۋچاسكەلەرٸ مەن ەلدٸ مەكەندەرٸنە اەروۆيزۋالدى باقىلاۋ جٷرگٸزدٸ. بۇل تۋرالى اتالمىش ۆەدوموستۆونىڭ باسپاسٶز قىزمەتٸ حابارلادى.
قاۋٸپتٸ ايماقتاردى ەۋەدەن باقىلاۋ جۇمىستارىنا تج ۆيتسە-مينيسترٸ مارات كٷلدٸكوۆ, اقمولا جەنە سولتٷستٸك قازاقستان وبلىستارى تج دەپارتامەنتتەرٸنٸڭ باسشىلارى, ەكٸمدەرٸنٸڭ ورىنباسارلارى مەن بۇقارالىق اقپارات قۇرالدارىنىڭ ٶكٸلدەرٸ قاتىستى.
ۇشۋ بارىسىندا اقمولا وبلىسىنىڭ تسەلينوگراد, استراحان, اتباسار, ساندىقتاۋ, زەرەندٸ اۋداندارىنىڭ جەنە سولتٷستٸك قازاقستان وبلىسىنىڭ ايىرتاۋ, ەسٸل, اققايىڭ, تايىنشا, ەسٸل, ع.مٷسٸرەپوۆ, شال اقىن اۋداندارىنىڭ سۋ تاسقىنى قاۋٸپتٸ ۋچاسكەلەرٸ مەن ەلدٸ مەكەندەرٸ تەكسەرٸلدٸ. ەسٸل جەنە جاباي ٶزەندەرٸنٸڭ ارناسىن بويلاي ۇشقان ارنايى توپ اقمولا جەنە سولتٷستٸك قازاقستان وبلىستارىنداعى سۋ تاسقىنى قاۋپٸ ەدەۋٸر سەيٸلگەنٸن كٶردٸ.
«اقمولا وبلىسىنىڭ اۋماعىندا جوسپارلى ۇشۋ سۋ تاسقىنى جاعدايى قالىپتى ەكەنٸن كٶرسەتتٸ. جالعىز قاۋٸپ كولۋتون ٶزەنٸنٸڭ كەي بٶلٸكتەرٸندە بايقالادى. مۇندا بٸر اپتا بويى سۋ دەڭگەيٸ كٶتەرٸلگەن. قازٸر تٶمەندەۋدە. شامامەن 10-14 كٷننەن كەيٸن جاعداي قالپىنا كەلۋٸ تيٸس», - دەدٸ يۋريي يلين.
ٶز كەزەگٸندە اقمولا وبلىسى ەكٸمٸنٸڭ ورىنباسارى عالىمجان ەبدٸقالىقوۆ بارلىق ٶزەندەردە سۋدىڭ تٶمەندەۋٸ بايقالاتىنىن جەنە سۋ ايدىندارى ٶز ارنالارىنا كٸرگەنٸن ايتتى.
سونىمەن قاتار يۋريي يلين ەۋەدەن باقىلاۋ بارىسىندا ورمان پايدالانۋشىلارى مەن شارۋا قوجالىقتارى اقمولا جەنە سولتٷستٸك قازاقستان وبلىسىنىڭ كەيبٸر اۋداندارىندا ورمان القابى ماڭىنداعى قۇرعاق شٶپتٸ جوسپارلى ٶرتەۋ جۇمىستارىنا كٸرٸسكەنٸن ەسكەرتتٸ.
مينيستردٸڭ سٶزٸنشە, كٶكتەمدە بۇل جۇمىستار كٶبٸنەسە باقىلاۋسىز جٷرگٸزٸلەدٸ جەنە ٸرٸ ٶرتتەردٸڭ تۋىنداۋىنا سەبەپ بولادى. ولار بۇل جۇمىستاردى قار ەري سالىسىمەن باستاپ كەتەدٸ. الايدا قۇرعاق شٶپتٸ جاعۋ جۇمىستارى جٷرگٸزٸلگەن جاعدايدا, شارۋالار تج دەپارتامەنتتەرٸنە حابارلاسۋى تيٸس. بۇل فاكت تەرٸس سالدارعا ەكەپ سوقتىرماس ٷشٸن الدىن الا ەسكەرتۋ قاجەت.
كەلەسٸ باعىت سولتٷستٸك قازاقستان وبلىسىنىڭ اۋماعىندا ٶتتٸ. ۇشۋ بارىسىندا ەسٸل ٶزەنٸ ارناسىنىڭ تٶمەنگٸ جاعىندا سۋ دەڭگەيٸ كٶتەرٸلٸپ, سۋ ٶزەن بويىن تولتىراتىنى انىقتالدى. قازٸرگٸ ۋاقىتتا سۋ تاسقىنى ەسٸل اۋدانىنىڭ پوكروۆكا اۋىلىنىڭ ماڭىندا ٶتۋدە. سۋ دەڭگەيٸنٸڭ كٶتەرٸلۋٸ شەكتٸ بەلگٸلەرگە جەتكەن جوق. ٶزەن ارناسى تازا, مۇز قۇبىلىستارى بايقالمايدى.
ٸس-شارا سوڭىندا مينيستر اقمولا جەنە سولتٷستٸك قازاقستان وبلىستارىنداعى سۋ تاسقىنى جاعدايىن باقىلاۋ بويىنشا بٸرقاتار تاپسىرما بەردٸ.
