الماتى وبلىسىندا ەكٸنشٸ جەنە ٷشٸنشٸ ٶرت وشاقتارىن سٶندٸرٸرٸلٸپ جاتىر. بۇل تۋرالى قر تجم رەسمي ٶكٸلٸ تالعات ۋەلي مەلٸم ەتتٸ, دەپ حابارلايدى "ۇلت اقپارات".
«15 سەۋٸر كٷنٸ ساعات 09.45-تە الماتى وبلىسى بالقاش اۋدانىنىڭ جيدەلٸ اۋىلدىق وكرۋگٸنەن 25 شاقىرىم جەردە قۇرعاق شٶپ پەن قامىس ٶرتەندٸ. ٶرت كٶلەمٸ انىقتالىپ جاتىر. ٶرت شارۋا قوجالىقتارىنىڭ اۋماقتارىنا جەنە جەكە دەمالىس بازالارىنىڭ جەرلەرٸنە تارالدى. ٶرت ورنىنا جەدەل تٷردە بالقاش اۋدانىنا قاراستى قاپشاعاي قالاسى مەن باقاناس اۋىلىنىڭ ٶرت سٶندٸرۋ بٶلٸمدەرٸنەن 18 قىزمەتكەر مەن 5 بٸرلٸك تەحنيكا جٸبەرٸلدٸ», - دەدٸ ول.
ونىڭ اتاپ ٶتۋٸنشە, تٶتەنشە جاعداي ورنىنا بارار جولدىڭ ناشار بولۋىنا بايلانىستى كٷشتەر مەن قۇرالداردىڭ قوزعالىسى ايتارلىقتاي قيىندادى. ٶرت ورنىنا دەيٸنگٸ قاشىقتىق شامامەن 180-200 شاقىرىم. تەلەفون بايلانىسى بولماعاندىقتان, جەدەل توپتىڭ جەكە قۇرامى بايلانىستى ۇيىمداستىرۋ ٷشٸن الىپ جٷرەتٸن سپۋتنيك تەرمينالدارمەن قامتاماسىز ەتٸلدٸ.
«13 سەۋٸردەن بەرٸ تجد مەن جەرگٸلٸكتٸ اتقارۋشى ورگانداردىڭ كٷشتەرٸ جەنە قۇرالدارى بالقاش اۋدانىنىڭ جەلتوراڭعى, اقكٶل اۋىلدىق وكرۋگتەرٸنٸڭ اۋماقتارىنداعى وشاقتاردى سٶندٸرۋدە. بارلىعى ٷش ٶرت وشاعى بار. 20 گەكتار الاڭدىق قۇرايتىن العاشقى وشاق ساعات 10.30-دا سٶندٸرٸلدٸ. ەكٸنشٸ جەنە ٷشٸنشٸ ٶرت وشاقتارىن سٶندٸرۋ جۇمىستارى جالعاسۋدا», - دەدٸ رەسمي ٶكٸل.
تالعات ۋەلي قۋراعان اعاشتاردىڭ جانۋ وقيعالارىنىڭ جيٸلەۋٸنە بايلانىستى 12 سەۋٸردەن باستاپ بالقاش اۋدانىندا جەدەل شتاب قۇرىلعانىن ايتادى. وندا تٶتەنشە جاعدايلار دەپارتامەنتٸنٸڭ كٷشتەرٸ مەن قۇرالدارى جۇمىس ٸستەيدٸ. قازاۆياورمانقورعاۋ مەكەمەسٸنٸڭ ۇشاعىمەن ۋچاسكەلەردٸ اەروۆيزۋالدى تەكسەرۋ ۇيىمداستىرىلدى.
بۇعان دەيٸن الماتى وبلىسىنداعى ٶرت سالدارىنان بالىق شارۋاشىلىعىنا زييان كەلٸپ, بٸر ادام زارداپ شەككەنٸن حابارلاعان ەدٸك.
