قازاقستان پارلامەنتٸ سەناتى جاڭا كونستيتۋتسييانىڭ قابىلدانۋىنا بايلانىستى راقىمشىلىق تۋرالى زاڭدى ەكٸ وقىلىمدا ماقۇلدادى. سونىمەن قاتار, راقىمشىلىقتى ٸسكە اسىرۋعا قاجەتتٸ قىلمىستىق, قىلمىستىق-پروتسەستٸك, ەكٸمشٸلٸك قۇقىق بۇزۋشىلىق جەنە اتقارۋ ٶندٸرٸسٸ سالالارىنداعى زاڭنامالىق تٷزەتۋلەر دە قابىلداندى, دەپ حابارلايدى ult.kz.
زاڭ جوباسى تەك راقىمشىلىق تەتٸگٸن ەنگٸزۋمەن شەكتەلمەي, قۇقىقتىق جٷيەنٸ جەتٸلدٸرۋگە, ٸزگٸلەندٸرۋگە جەنە تسيفرلاندىرۋعا باعىتتالعان كەشەندٸ ٶزگەرٸستەردٸ قامتيدى. دەگەنمەن ەزٸرلەۋشٸلەر بۇل باستاما قىلمىستىق ساياساتتىڭ جۇمسارۋىن بٸلدٸرمەيتٸنٸن, اسا اۋىر قىلمىستار بويىنشا جاۋاپكەرشٸلٸك ساقتالاتىنىن اتاپ ٶتتٸ.
قۇجاتقا سەيكەس, قىلمىستىق تەرٸس قىلىقتار, اۋىر ەمەس قىلمىستار جەنە كەيبٸر ٶتەلگەن نەمەسە زييان كەلتٸرٸلمەگەن ورتاشا اۋىرلىقتاعى ٸستەر بويىنشا تۇلعالار جاۋاپكەرشٸلٸكتەن نەمەسە نەگٸزگٸ جازادان بوساتىلۋى مٷمكٸن. سونداي-اق كەيبٸر سوتتالعانداردىڭ ٶتەلمەگەن جازاسى قىسقارتىلۋى قاراستىرىلعان.
الايدا راقىمشىلىق سىبايلاس جەمقورلىق, تەرروريزم, ەكسترەميزم, كەمەلەتكە تولماعاندارعا قارسى جىنىستىق قىلمىستار, ادام ٶلتٸرۋ, ازاپتاۋ جەنە مەملەكەتتٸك ساتقىندىق سيياقتى اسا اۋىر قىلمىستارعا قولدانىلمايدى.
جاڭا زاڭناماداعى ماڭىزدى جاڭاشىلدىقتاردىڭ بٸرٸ – ەكٸمشٸلٸك راقىمشىلىق. ول العاش رەت ەنگٸزٸلٸپ وتىر جەنە ازاماتتار مەن كەسٸپكەرلەردٸڭ ورىندالماعان ەكٸمشٸلٸك ايىپپۇلدارىنىڭ تولىق نەمەسە بٸر بٶلٸگٸن جويۋدى كٶزدەيدٸ. راقىمشىلىق قولدانىلعاننان كەيٸن تيٸستٸ اتقارۋ ٶندٸرٸستەرٸ توقتاتىلادى.
سونىمەن قاتار, راقىمشىلىق رەسٸمدەرٸن تسيفرلاندىرۋ تەتٸكتەرٸ ەنگٸزٸلٸپ, شەشٸمدەردٸڭ اۆتوماتتى تٷردە قابىلدانۋى مەن ەلەكتروندى فورماتتا جٷرگٸزٸلۋٸ قاراستىرىلعان. بۇل بيۋروكراتييالىق پروتسەستەردٸ قىسقارتىپ, قۇقىق قولدانۋ تيٸمدٸلٸگٸن ارتتىرۋعا باعىتتالعان.
قىلمىستىق-پروتسەستٸك زاڭناماعا دا بٸرقاتار ٶزگەرٸستەر ەنگٸزٸلٸپ, ايىپتاۋ اكتٸلەرٸن رەسٸمدەۋ مەن تەرگەۋ نەتيجەلەرٸن بەكٸتۋ تەرتٸبٸ ناقتىلاندى. بۇل ٶزگەرٸستەر سوت پروتسەسٸنٸڭ بٸرٸزدٸلٸگٸن كٷشەيتٸپ, قۇقىقتىق كەپٸلدٸكتەردٸ نىعايتۋعا باعىتتالعان.
راقىمشىلىق جاڭا كونستيتۋتسييانىڭ قابىلدانۋىنا بايلانىستى 2026 جىلعى 17 ناۋرىزدا جارييالانعان كەشەندٸ قۇقىقتىق رەفورمالار اياسىندا جٷزەگە اسىرىلىپ جاتىر.
