3 قىركٷيەكتە تٷركييا جاعالاۋ كٷزەتٸنٸڭ كٷشتەرٸ گرەكييانىڭ جاعالاۋ كٷزەتٸ ەگەي تەڭٸزٸندەگٸ تٷرٸك تەرريتورييالىق سۋلارىنا ىعىستىرعان 174 پانا ٸزدەۋشٸنٸ قۇتقاردى, دەپ حابارلايدى قازاقپارات انادولى اگەنتتٸگٸنە سٸلتەمە جاساپ.
بالىقەسٸر پروۆينتسيياسىنىڭ سولتٷستٸك-باتىسىنداعى ايۆالىق قالاسىنىڭ جاعالاۋىندا تەڭٸزگە رەزەڭكە قايىقپەن شىققان كەمٸندە 28 زاڭسىز ميگرانت قۇتقارىلدى. ولار كۋندا ارالىنداعى جاعالاۋ كٷزەتٸنٸڭ كوماندالىق پۋنكتٸنە جەتكٸزٸلدٸ.
سونىمەن قاتار, تٷركييانىڭ جاعالاۋ كٷزەتٸ ايدىن پروۆينتسيياسىنىڭ كۋشاداسى اۋدانىنا قايىقتار جٸبەردٸ, وندا 83 پانا ٸزدەۋشٸ ەكٸ قايىقپەن تەڭٸزدە تۇرىپ قالدى دەگەن اقپارات تٷسكەن. قۇتقارىلعان بوسقىندار جەرگٸلٸكتٸ كٶشٸ-قون قىزمەتٸ بٶلٸمشەسٸنە جەتكٸزٸلدٸ.
تٷركييانىڭ جاعالاۋ كٷزەتٸ سونىمەن قاتار يزمير پروۆينتسيياسىنىڭ فوك ايماعىندا تٶرت پانا ٸزدەۋشٸنٸ جەنە 59 ادامدى قۇتقاردى. جوسپارلى تەكسەرۋلەردەن كەيٸن ولار پروۆينتسييانىڭ كٶشٸ-قون ورگانىنا جەتكٸزٸلدٸ.
