3 qyrkúiekte Túrkiia jaǵalaý kúzetiniń kúshteri Grekiianyń jaǵalaý kúzeti Egei teńizindegi túrik territoriialyq sýlaryna yǵystyrǵan 174 pana izdeýshini qutqardy, dep habarlaidy QazAqparat Anadoly agenttigine silteme jasap.
Balyqesir provintsiiasynyń soltústik-batysyndaǵy Aivalyq qalasynyń jaǵalaýynda teńizge rezeńke qaiyqpen shyqqan keminde 28 zańsyz migrant qutqaryldy. Olar Kýnda aralyndaǵy jaǵalaý kúzetiniń komandalyq pýnktine jetkizildi.
Sonymen qatar, Túrkiianyń jaǵalaý kúzeti Aidyn provintsiiasynyń Kýshadasy aýdanyna qaiyqtar jiberdi, onda 83 pana izdeýshi eki qaiyqpen teńizde turyp qaldy degen aqparat túsken. Qutqarylǵan bosqyndar jergilikti kóshi-qon qyzmeti bólimshesine jetkizildi.
Túrkiianyń jaǵalaý kúzeti sonymen qatar Izmir provintsiiasynyń Fok aimaǵynda tórt pana izdeýshini jáne 59 adamdy qutqardy. Josparly tekserýlerden keiin olar provintsiianyń kóshi-qon organyna jetkizildi.
