فوتو: قر تجم
تٷركيياعا بارعان قازاقستاندىق قۇتقارۋشىلار حاتاي پروۆينتسيياسىنداعى ٸزدەۋ جۇمىستارى كەزٸندە وتانداسىمىزدىڭ دەنەسٸن تاپتى, دەپ حابارلايدى "ۇلت اقپارات" قر تجم باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, قازاقستان قۇتقارۋشىلارى حاتاي پروۆينتسيياسىنداعى ەڭ كٷردەلٸ ۋچاسكەلەردٸڭ بٸرٸندە ٸزدەۋ جۇمىستارىن جالعاستىرىپ جاتىر. ٸزدەۋ وبەكتٸسٸ - تولىعىمەن قيراعان التى قاباتتى ٷي, ٷيٸندٸنٸڭ كٶلەمٸ 18 مىڭ م3 اسادى.
جەدەل اقپارات بويىنشا, قازٸرگٸ ۋاقىتتا قازاقستاننىڭ بٸر ازاماتىنىڭ دەنەسٸ تابىلىپ, ٷيٸندٸ استىنان شىعارىلعان.
"جۇمىس كٶپتەگەن ٷيٸندٸلەرمەن, تۇراقسىز قۇرىلىمدارمەن كٷردەلەنە تٷسەدٸ. قازاقستاندىق قۇتقارۋشىلار بارىنشا تيٸمدٸ جۇمىس ٸستەپ جاتىر.
بۇعان دەيٸن بٸزدٸڭ قۇتقارۋشىلارىمىز وسى وبەكتٸدە تٷركييانىڭ ەكٸ ازاماتىنىڭ دەنەسٸن تاپقان بولاتىن" - دەلٸنگەن حابارلامادا.
كەيٸنٸرەك Cىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ تا حاتايدا ٷيٸندٸ استىنان تابىلعان وتانداسىمىز تۋرالى ايتتى.
"بٷگٸن, 9 اقپاندا تاڭەرتەڭ ٸزدەستٸرۋ-قۇتقارۋ جۇمىستارى كەزٸندە قر ازاماتى ەدٸل قادىربەكوۆتٸڭ مەيٸتٸ تابىلدى. سٸم قازا تاپقان كٸسٸنٸڭ دەنەسٸن ەلگە جەتكٸزۋگە بارىنشا كٶمەكتەسەدٸ", - دەدٸ ول.
باسپاسٶز حاتشىسىنىڭ سٶزٸنشە, ەلٸمٸزدەن بارعان قۇتقارۋشىلار تٷرٸك ەرٸپتەستەرٸمەن بٸرگە قازاقستاننىڭ تاعى بٸر ازاماتى ميربولات قۇرماشەۆتٸ ٸزدەپ جاتىر.
