Foto: QR TJM
Túrkiiaǵa barǵan qazaqstandyq qutqarýshylar Hatai provintsiiasyndaǵy izdeý jumystary kezinde otandasymyzdyń denesin tapty, dep habarlaidy "Ult aqparat" QR TJM baspasóz qyzmetine silteme jasap.
Vedomstvo málimetinshe, Qazaqstan qutqarýshylary Hatai provintsiiasyndaǵy eń kúrdeli ýchaskelerdiń birinde izdeý jumystaryn jalǵastyryp jatyr. Izdeý obektisi - tolyǵymen qiraǵan alty qabatty úi, úiindiniń kólemi 18 myń m3 asady.
Jedel aqparat boiynsha, qazirgi ýaqytta Qazaqstannyń bir azamatynyń denesi tabylyp, úiindi astynan shyǵarylǵan.
"Jumys kóptegen úiindilermen, turaqsyz qurylymdarmen kúrdelene túsedi. Qazaqstandyq qutqarýshylar barynsha tiimdi jumys istep jatyr.
Buǵan deiin bizdiń qutqarýshylarymyz osy obektide Túrkiianyń eki azamatynyń denesin tapqan bolatyn" - delingen habarlamada.
Keiinirek Cyrtqy ister ministrliginiń resmi ókili Aibek Smadiiarov ta Hataida úiindi astynan tabylǵan otandasymyz týraly aitty.
"Búgin, 9 aqpanda tańerteń izdestirý-qutqarý jumystary kezinde QR azamaty Ádil Qadyrbekovtiń máiiti tabyldy. SIM qaza tapqan kisiniń denesin elge jetkizýge barynsha kómektesedi", - dedi ol.
Baspasóz hatshysynyń sózinshe, elimizden barǵan qutqarýshylar túrik áriptesterimen birge Qazaqstannyń taǵy bir azamaty Mirbolat Qurmashevti izdep jatyr.
