فوتو: قر تجم باسپاسٶز قىزمەتٸ
تٷركييادا زٸلزالادان زارداپ شەككەندەردٸ ٸزدەۋ-قۇتقارۋ وپەراتسيياسىنا قاتىسقان 100-گە جۋىق قازاقستاندىق قۇتقارۋشىعا پرەزيدەنت ماراپاتىنان بٶلەك, اقشالاي سىياقى تٶلەنەدٸ. بۇل تۋرالى تٶتەنشە جاعدايلار بٸرٸنشٸ ۆيتسە-مينيسترٸ يبراگيم كٷلشٸمباەۆ ايتتى, دەپ حابارلايدى Sputnik قازاقستان.
ول پرەزيدەنت تٷركيياعا بارىپ كەلگەن بارلىق قۇتقارۋشىنى ماراپاتتاۋ تۋرالى تاپسىرما بەرگەنٸن ەسكە سالدى.
بٷگٸندە تٶتەنشە جاعدايلار مينيسترلٸگٸ قۇتقارۋ وپەراتسيياسىنا قاتىسقان قۇتقارۋشىلاردىڭ قۇجاتىن پرەزيدەنت ەكٸمشٸلٸگٸنە جٸبەرٸپ قويعان.
"ال اقشالاي سىياقىعا كەلسەك, تٶتەنشە جاعداي مينيسترلٸگٸ الدىمىزدا ٶز قاراجاتى ەسەبٸنەن قاراستىرادى, بەرٸنە تٶلەنەدٸ", - دەدٸ كٷلشٸمباەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
قازاقستاندىق قۇتقارۋشىلار تٷركييادان 18-19 اقپان كٷندەرٸ ەلگە ورالعان بولاتىن. ۆيتسە-مينيستردٸڭ ٶزٸ 19 اقپان كٷنٸ قۇتقارۋشىلاردىڭ ەكٸنشٸ لەگٸمەن ۇشىپ كەلگەن.
قر تجم قىزمەتكەرلەرٸ گازيانتەپ پەن حاتايدا جەتٸ ادامدى قۇتقارىپ, 88 ادامنىڭ دەنەسٸن ٷيٸندٸ استىنان الىپ شىقتى.
سوڭعى دەرەكتەر بويىنشا تٷركييادا زٸلزالادان قازا تاپقاندار سانى 43 مىڭنان اسادى.
