Foto: QR TJM baspasóz qyzmeti
Túrkiiada zilzaladan zardap shekkenderdi izdeý-qutqarý operatsiiasyna qatysqan 100-ge jýyq qazaqstandyq qutqarýshyǵa Prezident marapatynan bólek, aqshalai syiaqy tólenedi. Bul týraly Tótenshe jaǵdailar birinshi vitse-ministri Ibragim Kúlshimbaev aitty, dep habarlaidy Sputnik Qazaqstan.
Ol Prezident Túrkiiaǵa baryp kelgen barlyq qutqarýshyny marapattaý týraly tapsyrma bergenin eske saldy.
Búginde Tótenshe jaǵdailar ministrligi qutqarý operatsiiasyna qatysqan qutqarýshylardyń qujatyn Prezident ákimshiligine jiberip qoiǵan.
"Al aqshalai syiaqyǵa kelsek, Tótenshe jaǵdai ministrligi aldymyzda óz qarajaty esebinen qarastyrady, bárine tólenedi", - dedi Kúlshimbaev Ortalyq kommýnikatsiialar qyzmetinde ótken baspasóz máslihatynda.
Qazaqstandyq qutqarýshylar Túrkiiadan 18-19 aqpan kúnderi elge oralǵan bolatyn. Vitse-ministrdiń ózi 19 aqpan kúni qutqarýshylardyń ekinshi legimen ushyp kelgen.
QR TJM qyzmetkerleri Gaziantep pen Hataida jeti adamdy qutqaryp, 88 adamnyń denesin úiindi astynan alyp shyqty.
Sońǵy derekter boiynsha Túrkiiada zilzaladan qaza tapqandar sany 43 myńnan asady.
