12-21 قازان ارالىعىندا تٷركييانىڭ انتاليا قالاسىندا قول كٷرەسٸ سپورتى بويىنشا ٶتكەن ەلەم چەمپيوناتىندا شىمكەنتتٸك ناسىر ماحامبەتوۆ چەمپيون اتاندى. ول 90 كەلٸ سالماق دەرەجەسٸندە ەل نامىسىن ابىرويمەن قورعاپ, سول قولمەن بەسەكەگە تٷسۋدەن قارسىلاس شاق كەلتٸرمەدٸ. تاعى بٸر سپورتشى قىزىمىز سابيرا تۇرسىنباي 50 كەلٸ سالماق دەرەجەسٸندە سول قولمەن كٷمٸس مەدال, وڭ قولمەن قولا مەدال يەلەندٸ.
ناسىر مەن سابيرا شىمكەنت قالاسىنداعى بٸلٸكتٸ باسشى مۇزرافشا-جاھانگەر ابلاەۆ باسقاراتىن مٷگەدەكتەرگە ارنالعان №19 سپورت مەكتەبٸندە باپكەر ماقسات جٷسٸپوۆتٸڭ قاراماعىندا جاتتىعادى. 33 جاسار سپورتشى ناسىر ماحامبەتوۆ 11 جىلدان بەرٸ وسى مەكتەپتٸڭ پاراليمپيادالىق بٶلٸمٸندە پاۋەرليفتينگ سپورتىمەن شۇعىلدانادى. بٷگٸندە قازاقستان ۇلتتىق پاراليمپيادالىق قۇراماسىنىڭ مٷشەسٸ. حالىقارالىق دەرەجەدەگٸ سپورت شەبەرٸ اتانىپ ٷلگەرگەن. جەتكەن جەتٸستٸكتەرٸ دە از ەمەس.
2007 جىلى پاۋەرليفتينگتەن ەلەم چەمپيوناتىنىڭ كٷمٸس جٷلدەگەرٸ اتانسا, اراعا 4 جىل سالىپ ارمرەستلينگتەن ەلەمدٸك دودانىڭ قولا جٷلدەسٸن يەلەنگەن. ال, 2016 جىلى قول كٷرەسٸنەن تاشكەنتتە ٶتكەن ازييا چەمپيوناتىندا توپ جاردى. اراعا بٸر جىل سالىپ دەل وسى جەتٸستٸگٸن قىرعىزستاندا ٶتكەن «سارى قۇرلىق» بٸرٸنشٸلٸگٸندە قايتالادى.
18 جاسار سابيرا تۇرسىنباي ٷشٸن ەلەم چەمپيوناتىنىڭ جٷلدەگەرٸ اتانۋ – ٷلكەن جەتٸستٸك. سابيرا 16 جاسىندا-اق ازييا چەمپيونى اتانىپ ٷلگەرگەن. 2017 جىلى ازييادان قارسىلاس تاپپاي, ٶز اتاعىن قورعاپ قالعان.
مۇزرافشا-جاھانگەر ابلاەۆ باسقاراتىن شىمكەنت قالاسىنداعى مٷگەدەكتەرگە ارنالعان №19 سپورت مەكتەبٸنەن بۇدان دا ٶزگە بايراقتى بەسەكەلەردە توپ جارعان سپورتشىلار كٶپتەپ شىققان. بۇل مەكتەپ – ەلٸمٸزدٸڭ ابىرويىن حالىقارالىق ارەنادا قورعاپ جٷرگەن تالاي سپورتشى جاستاردىڭ ۇستاحاناسى. اتالمىش مەكتەپتەن ەلٸ تالاي چەمپيونداردىڭ شىعاتىنىنا سەنەمٸز.
