فوتو: Akorda.kz
مەملەكەت باسشىسى مەلٸك عابدۋللين اتىنداعى ازاماتتىق قورعاۋ اكادەميياسىنا باردى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت ازاماتتىق قورعاۋ سالاسى بويىنشا كادرلار دايىندايتىن ەلٸمٸزدەگٸ جالعىز جوعارى وقۋ ورنى – ازاماتتىق قورعاۋ اكادەميياسىنىڭ جۇمىسىمەن تانىسىپ, وفيتسەرلەرمەن جەنە كۋرسانتتارمەن كەزدەستٸ.
قاسىم-جومارت توقاەۆ حالقىمىزدىڭ اماندىعىن جەنە قاۋٸپسٸزدٸگٸن ساقتاۋ باستى مٸندەت ەرٸ قاستەرلٸ پارىز ەكەنٸن ايتىپ, اكادەمييانىڭ رٶلٸنە توقتالدى.
– بۇل – ەڭ الدىمەن, قۇتقارۋشى ماماندارعا جٷكتەلەتٸن زور سەنٸم, ٷلكەن جاۋاپكەرشٸلٸك. قۇتقارۋ قىزمەتٸ – ٶتە ماڭىزدى سالا. سوڭعى كەزدە جەر جٷزٸندە تٶتەنشە وقيعالار جيٸلەپ بارادى. جۇرتىمىز مۇنداي قاۋٸپ-قاتەرگە ەردايىم دايىن بولۋى كەرەك. سوندىقتان وسى سالادا قىزمەت ەتٸپ جٷرگەن مامانداردىڭ ەڭبەگٸ ەلٸمٸز ٷشٸن ٶتە ماڭىزدى. اكادەمييا – ەلٸمٸزدەگٸ كەسٸبي قۇتقارۋشىلاردى دايارلايتىن بٸردەن-بٸر وقۋ ورنى. ونى شيرەك عاسىر ٸشٸندە 6 مىڭعا جۋىق مامان بٸتٸرٸپ شىقتى. اكادەمييا تٷلەكتەرٸ بارلىق وبلىستا ەڭبەك ەتٸپ جٷر. ولار وتان الدىنداعى بورىشىن ادال اتقارىپ كەلەدٸ. حالقىمىزدا «اپات ايتىپ كەلمەيدٸ» دەگەن سٶز بار. كٷزدە ەلٸمٸزدٸڭ بٸرنەشە ايماعى الاپات ٶرتتەن زارداپ شەكتٸ. سىن ساعاتتا تۇرعىندارعا الدىمەن قۇتقارۋشىلار كٶمەككە كەلدٸ, – دەدٸ مەملەكەت باسشىسى.
جاقىندا تٷركيياداعى جويقىن جەر سٸلكٸنٸسٸنەن كەيٸن پرەزيدەنتتٸڭ تاپسىرماسىمەن باۋىرلاس ەلگە قۇتقارۋشىلار مەن دەرٸگەرلەر جٸبەرٸلدٸ.
– ولاردىڭ اراسىندا اقمولا وبلىسىنىڭ ماماندارى دا بار, ياعني 18 ادام. بٸزدٸڭ قۇتقارۋشىلار بٸرنەشە ادامدى امان الىپ شىقتى. تٷركييادا كٷندٸز-تٷنٸ جۇمىس ٸستەپ جاتقان ازاماتتارىمىزعا العىس ايتامىن! تٷركييادان امان-ەسەن ورالعان سوڭ ولاردى مٸندەتتٸ تٷردە ماراپاتتايتىن بولامىز, – دەدٸ قاسىم-جومارت توقاەۆ.
قۇتقارۋشىنىڭ جۇمىسى قيىن ەرٸ قاتەرلٸ ەكەنٸن ايتقان مەملەكەت باسشىسى ەڭبەكتٸڭ بۇل تٷرٸن ناعىز ەرجٷرەك ازاماتتاردىڭ كەسٸبٸ دەپ باعالادى.
– تٶتەنشە جاعداي ماماندارى جۇمىس بارىسىندا تالاي رەت ەرلٸك كٶرسەتتٸ. باسقا ادامداردىڭ ٶمٸرٸنە اراشا تٷسٸپ, قازا تاپقان قۇتقارۋشىلار از ەمەس. ولاردىڭ قاتارىندا وسى اكادەمييانىڭ تٷلەگٸ اسقار زابيكۋلين دە بار. «ەر ەسٸمٸ – ەل ەسٸندە». باتىرلاردىڭ ەرلٸگٸ ەشقاشان ۇمىتىلماۋعا تيٸس, – دەدٸ پرەزيدەنت.
قاسىم-جومارت توقاەۆ ازاماتتىق قورعانىس جٷيەسٸ تۇراقتى جاڭعىرتۋدى قاجەت ەتەتٸنٸن, وزىق ەلەمدٸك تەجٸريبەنٸ قابىلداپ, زاماناۋي تەحنولوگييالاردى ەنگٸزۋ ٶتە ماڭىزدى ەكەنٸن ايتتى. پرەزيدەنتتٸڭ پٸكٸرٸنشە, قۇتقارۋشىلاردى ساپالى دايىنداۋعا ەرەكشە نازار اۋدارۋ كەرەك. مەملەكەت باسشىسى بۇل مەسەلەدە كومانديرلەر مەن ۇستازدار باستى رٶل اتقاراتىنىن اتاپ ٶتٸپ, ٶزٸنٸڭ تاپسىرماسىمەن ٷكٸمەت اكادەمييانىڭ ماتەريالدىق-تەحنيكالىق بازاسىن نىعايتۋعا كٷش سالىپ جاتقانىنا جەنە جاتاقحانا مەن وقۋ كورپۋسىن سالۋ جوسپارلانىپ وتىرعانىنا توقتالدى. مەملەكەت تاراپىنان قۇتقارۋشىلاردىڭ ەڭبەكاقىسىن كٶتەرٸپ, ەلەۋمەتتٸك قامتاماسىز ەتۋدٸ جاقسارتۋ ٷشٸن جٷيەلٸ شارالار قولعا الىنىپ جاتىر.
قاسىم-جومارت توقاەۆ سٶزٸنٸڭ سوڭىندا اكادەمييا تٷلەكتەرٸ حالقىمىزدىڭ اماندىعى ٷشٸن قىزمەت ەتە بەرەتٸنٸنە سەنٸم بٸلدٸرٸپ, ولارعا تابىس تٸلەدٸ.
ايتا كەتەتٸن جايت, پرەزيدەنتتٸڭ تاپسىرماسىنا سەيكەس بيىلدان باستاپ قۇتقارۋشىلاردىڭ ەڭبەكاقىسى 10-نان 70 پايىزعا دەيٸن كٶتەرٸلەدٸ.
بۇل اكادەمييا جىل سايىن 150-دەن استام وفيتسەر دايارلاپ شىعارادى. 2021 جىلى عىلىمي جەنە عىلىمي-تەحنيكالىق قىزمەت سۋبەكتٸسٸ رەتٸندە اككرەديتاتسييادان ٶتكەن. ٷكٸمەتارالىق كەلٸسٸمدەر اياسىندا اكادەمييادا قىرعىزستان مەن تەجٸكستان ازاماتتارىنىڭ بٸلٸم الۋىنا كۆوتا بٶلٸنگەن.
مەملەكەت باسشىسى اكادەمييانىڭ تٶتەنشە جاعدايلارعا ارنالعان تەحنيكالارىمەن, وقۋ-جاتتىعۋ جابدىقتارىمەن تانىستى. وقۋ ورنىنىڭ ماماندارى كۋرسانتتاردى پراكتيكالىق تۇرعىدان ماشىقتاندىرۋ ٷشٸن ارنايى قۇرىلعىلار ويلاپ تاپقان. سول ارقىلى نىسانداردىڭ ٶرتكە قارسى قاۋٸپسٸزدٸك جاعدايىن جەنە ٶرتتەن كەيٸنگٸ احۋالىن 3D مودەلٸمەن ايقىندايدى.
قاسىم-جومارت توقاەۆ وقۋ ورنىنىڭ ماتەريالدىق-تەحنيكالىق بازاسىن زاماناۋي قۇرال-جابدىقتارمەن قامتاماسىز ەتۋ قاجەت ەكەنٸن ەرەكشە اتاپ ٶتتٸ.
