فوتو: aa.com.tr
تٷركييانىڭ وڭتٷستٸگٸندە بولعان جويقىن جەر سٸلكٸنٸسٸنەن قازا تاپقاندار سانى 45 089 ادامعا جەتتٸ, دەپ حابارلايدى قازاقپارات انادولى اقپارات اگەنتتٸگٸنە سٸلتەمە جاساپ.
تٷركييا تٶتەنشە جاعدايلار سالدارىن جويۋ باسقارماسىنىڭ (AFAD) مەلٸمەتٸنشە, جەراستى دٷمپۋلەرٸنەن كەيٸن 11 مىڭنان استام افتەرشوك تٸركەلگەن. قازٸرگٸ كەزدە اپات ايماعىندا ٸزدەۋ-قۇتقارۋ جۇمىستارىنا تٷركييا مەن شەت ەلدەردٸڭ تيٸستٸ قىزمەتتەرٸنەن 6 368 ادام جۇمىلدىرىلعان.
سونداي-اق جۇمىسقا 234 مىڭنان استام تارتىلعان. ولاردىڭ اراسىندا AFAD قىزمەتكەرٸ, پوليتسييا, ەسكەريلەر مەن ەرٸكتٸلەر بار. حابارلاماعا سەيكەس, قالپىنا كەلتٸرۋ جۇمىستارىنا ەكسكاۆاتورلار, كراندار, بۋلدوزەرلەر, جٷك كٶلٸكتەرٸ, سۋ تاسۋشى ماشينالار, تٸركەمەلەردەن تۇراتىن 18 مىڭنان استام تەحنيكا جۇمىلدىرىلدى. زٸلزالادان زارداپ شەككەندەر ٷشٸن 358 مىڭنان استام شاتىر تٸگٸلگەنٸ اتاپ ٶتٸلدٸ.
سونىمەن قاتار 11 پروۆينتسييا مەن 332 ەلدٸ مەكەندە كونتەينەرلٸك قالاشىقتار قۇرىلدى.
ەسكە سالا كەتەيٸك, 6 اقپاندا ەپيتسەنترٸ كاحرامانماراش پروۆينتسيياسىنىڭ پازاردجيك اۋدانىندا ماگنيتۋداسى 7 بالدان اساتىن ەكٸ جەر سٸلكٸنٸسٸ بولدى. جٷزدەگەن افتەرشوكقا ۇلاسقان جەراستى دٷمپۋلەرٸ ەلدٸڭ 11 پروۆينتسيياسىندا, سونداي-اق كٶرشٸلەس مەملەكەتتەردە, سونىڭ ٸشٸندە سيرييادا دا سەزٸلدٸ. ماماندار ايماقتا جەراستى دٷمپۋلەرٸ تاعى جارتى جىل بويى جالعاسادى دەپ وتىر. تٷركيياداعى جويقىن جەر سٸلكٸنٸسٸنەن كەيٸن ٷيٸندٸلەردٸ اشۋ جۇمىستارىنا 88 ەلدەن 11 مىڭ قۇتقارۋشى قاتىستى. ٸزدەستٸرۋ-قۇتقارۋ جۇمىستارىنا قازاقستاننان استانا مەن الماتى قالالارى, اقمولا جەنە قاراعاندى وبلىستارىنىڭ قۇتقارۋشىلارى دا اتسالىستى.
