فوتو: weproject.media
تٷركيياداعى جەر سٸلكٸنٸسٸ كەزٸندە Astana Hub تەحنوپاركٸنٸڭ حالىقارالىق اگەنتٸ جوعالىپ كەتتٸ. بۇل تۋرالى ونىڭ ەرٸپتەسٸ مەن اعاسى مەلٸمدەدٸ, - دەپ حابارلايدى Massaget.kz پورتالى.
"دوستار, تٷركييادا جەر سٸلكٸنٸسٸ كەزٸندە بٸزدٸڭ دوسىمىز, Astana Hub تەحنوپاركٸنٸڭ حالىقارالىق اگەنتٸ ميرۋس قۇرماشەۆ جوعالىپ كەتتٸ. ونىڭ اعاسى المات قۇرماشەۆتىڭ ايتۋىنشا, جەر سٸلكٸنٸسٸ كەزٸندە ول تٷركييانىڭ حاتاي قالاسىندا بولعان. جەر سٸلكٸنٸسٸنەن كەيٸن ونىمەن بايلانىس ٷزٸلدٸ. ونىمەن تۋىستارى مەن دوستارى ەلٸ كٷنگە دەيٸن بايلانىسا الماي وتىر. ميرۋستىڭ اعاسى مەن دوستارى, قازاقستاندىق ەرٸكتٸلەر بٷگٸن تٷندە ٸزدەۋگە ۇشادى. اقپارات الۋ ٷشٸن نەمەسە تٷركيياداعى ٸزدەۋ جۇمىسىنا قوسىلۋ ٷشٸن ميرۋستىڭ اعاسى – الماتپەن تەلەفون ارقىلى بايلانىسۋلارىڭىزدى سۇرايمىز: +7 702 430 20 21", - دەلٸنگەن ماعجان مەديەۆتٸڭ جازباسىندا.
ال سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ بۇل اقپاراتتان حابارى بار ەكەنٸن ايتتى.
"تۋىستارى حابارلاسسىن. باسقا قازٸر ەشتەڭە ايتا المايمىن. ٸزدەپ جاتىرمىز. بارلىق چاتتاردا جٷر, كٶپ جۋرناليست حابارلاسىپ جاتىر. جۋرناليستەر ول تۋرالى كٶپ جازعان سايىن تٷرٸك قۇتقارۋشىلارى ونى تەزٸرەك ٸزدەمەيدٸ عوي. بارلىق قيراعان عيماراتتاردى بٸرتٸندەپ ٸزدەپ كەلە جاتىر", - دەدٸ سماديياروۆ Massaget.kz تٸلشٸسٸنە.
ول سونىمەن بٸرگە تٷركييادا قانداي دا بٸر جاعدايعا تاپ بولعان ازاماتتاردى جەدەل جەلٸگە حابارلاسۋىن ٶتٸندٸ.
