Foto: weproject.media
Túrkiiadaǵy jer silkinisi kezinde Astana Hub tehnoparkiniń halyqaralyq agenti joǵalyp ketti. Bul týraly onyń áriptesi men aǵasy málimdedi, - dep habarlaidy Massaget.kz portaly.
"Dostar, Túrkiiada jer silkinisi kezinde bizdiń dosymyz, Astana Hub tehnoparkiniń halyqaralyq agenti Mirýs Qurmashev joǵalyp ketti. Onyń aǵasy Almat Qurmashevtyń aitýynsha, jer silkinisi kezinde ol Túrkiianyń Hatai qalasynda bolǵan. Jer silkinisinen keiin onymen bailanys úzildi. Onymen týystary men dostary áli kúnge deiin bailanysa almai otyr. Mirýstyń aǵasy men dostary, qazaqstandyq eriktiler búgin túnde izdeýge ushady. Aqparat alý úshin nemese Túrkiiadaǵy izdeý jumysyna qosylý úshin Mirýstyń aǵasy – Almatpen telefon arqyly bailanysýlaryńyzdy suraimyz: +7 702 430 20 21", - delingen Maǵjan Mádievtiń jazbasynda.
Al Syrtqy ister ministrliginiń resmi ókili Aibek Smadiiarov bul aqparattan habary bar ekenin aitty.
"Týystary habarlassyn. Basqa qazir eshteńe aita almaimyn. Izdep jatyrmyz. Barlyq chattarda júr, kóp jýrnalist habarlasyp jatyr. Jýrnalister ol týraly kóp jazǵan saiyn túrik qutqarýshylary ony tezirek izdemeidi ǵoi. Barlyq qiraǵan ǵimarattardy birtindep izdep kele jatyr", - dedi Smadiiarov Massaget.kz tilshisine.
Ol sonymen birge Túrkiiada qandai da bir jaǵdaiǵa tap bolǵan azamattardy jedel jelige habarlasýyn ótindi.
