فوتو: REUTERS/Umit Bektas
تٷركييادا جەر سٸلكٸنٸسٸنەن توعىز كٷن ٶتكەننەن كەيٸن ٷيٸندٸ استىنان تاعى ٷش ادام قۇتقارىلدى, - دەپ حابارلايدى Tengrinews.kz پورتالى Anadolu باسىلىمىنا سٸلتەمە جاساپ.
تٷركييانىڭ وڭتٷستٸك-شىعىسىنداعى كاحرامانماراش پروۆينتسيياسىنىڭ دۋلكاديروگلۋ اۋدانىندا جەر سٸلكٸنٸسٸنەن 198 ساعات ٶتكەن سوڭ ەكٸ اعايىندى ٷيٸندٸ استىنان قۇتقارىلدى. 14 اقپاندا تاڭەرتەڭ ونداعان قۇتقارۋشىلاردىڭ كٷش-جٸگەرٸنٸڭ ارقاسىندا 17 جاستاعى مۋحاممەد ەنەس يەنينار مەن ونىڭ اعاسى 21 جاستاعى باكي يەنينار امان قالدى. جارالىلار اۋرۋحاناعا جاتقىزىلدى.
تٷركييانىڭ ادىيامان قالاسىندا تاعى بٸر ادام قۇتقارىلدى. 18 جاستاعى مۇحاممەد جافەر چەتيننٸڭ ورنىن تٷرٸك ەسكەريلەرٸ, كەنشٸلەر مەن ەرٸكتٸلەردەن قۇرالعان قۇتقارۋ توبى انىقتادى. توعىز كٷن ٷيٸندٸ استىندا قالعان جٸگٸت اۋرۋحاناعا جاتقىزۋ ٷشٸن دەرٸگەرلەرگە تاپسىرىلدى.
