Foto: REUTERS/Umit Bektas
Túrkiiada jer silkinisinen toǵyz kún ótkennen keiin úiindi astynan taǵy úsh adam qutqaryldy, - dep habarlaidy Tengrinews.kz portaly Anadolu basylymyna silteme jasap.
Túrkiianyń ońtústik-shyǵysyndaǵy Kahramanmarash provintsiiasynyń Dýlkadiroglý aýdanynda jer silkinisinen 198 saǵat ótken soń eki aǵaiyndy úiindi astynan qutqaryldy. 14 aqpanda tańerteń ondaǵan qutqarýshylardyń kúsh-jigeriniń arqasynda 17 jastaǵy Mýhammed Enes Ieninar men onyń aǵasy 21 jastaǵy Baki Ieninar aman qaldy. Jaralylar aýrýhanaǵa jatqyzyldy.
Túrkiianyń Adyiaman qalasynda taǵy bir adam qutqaryldy. 18 jastaǵy Muhammed Jafer Chetinniń ornyn túrik áskerileri, kenshiler men eriktilerden quralǵan qutqarý toby anyqtady. Toǵyz kún úiindi astynda qalǵan jigit aýrýhanaǵa jatqyzý úshin dárigerlerge tapsyryldy.
