تٷركييانىڭ كاستامونۋ پروۆينتسيياسىندا سەل تاسقىنىنىڭ سالدارىنان توعىز ادام قازا تاپتى, ال بارتىن پروۆينتسيياسىندا بٸر تۇرعىن ٸزدەستٸرٸلٸپ جاتىر, دەپ حابارلايدى "ۇلت اقپارات" انادولى اگەنتتٸگٸنە سٸلتەمە جاساپ.
بۇل تۋرالى تٶتەنشە جاعدايلاردىڭ الدىن الۋ مەن جويۋ جٶنٸندەگٸ باسقارمانىڭ (AFAD) حابارلاماسىندا ايتىلعان.
نٶسەر جاڭبىردىڭ سالدارىنان سەرسەنبٸ كٷنٸ ەلدٸڭ سولتٷستٸگٸندە سۋ تاسقىنى مەن كٶشكٸن باستالدى.
اۋا رايىنىڭ قولايسىزدىعىنان بارتىن, كاستامونۋ, سينوپ جەنە سامسۋن پروۆينتسييالارى زارداپ شەككەن. تۇرعىنداردى ەۆاكۋاتسييالاۋعا ەسكەري تٸكۇشاقتار جۇمىلدىرىلدى.
سۋ تاسقىنىنان زارداپ شەككەن اۋدانداردا تابيعي اپاتتار كەزٸندە ٸس-قيمىلداردى ٷيلەستٸرۋ ورتالىقتارى جۇمىس ٸستەۋدە.
تٷركييادا وسى جازدا ىستىق اۋا تەمپەراتۋراسىنىڭ سالدارىنان بٸرنەشە ٶڭٸردە ورمان وتقا وراندى. بەيسەنبٸ كٷنگٸ جاعداي بويىنشا, ٶرتتٸڭ بارلىق تۇتانۋ وشاقتارى باقىلاۋعا الىندى.
