Túrkiianyń Kastamoný provintsiiasynda sel tasqynynyń saldarynan toǵyz adam qaza tapty, al Bartyn provintsiiasynda bir turǵyn izdestirilip jatyr, dep habarlaidy "Ult aqparat" Anadoly agenttigine silteme jasap.
Bul týraly Tótenshe jaǵdailardyń aldyn alý men joiý jónindegi basqarmanyń (AFAD) habarlamasynda aitylǵan.
Nóser jańbyrdyń saldarynan sársenbi kúni eldiń soltústiginde sý tasqyny men kóshkin bastaldy.
Aýa raiynyń qolaisyzdyǵynan Bartyn, Kastamoný, Sinop jáne Samsýn provintsiialary zardap shekken. Turǵyndardy evakýatsiialaýǵa áskeri tikushaqtar jumyldyryldy.
Sý tasqynynan zardap shekken aýdandarda tabiǵi apattar kezinde is-qimyldardy úilestirý ortalyqtary jumys isteýde.
Túrkiiada osy jazda ystyq aýa temperatýrasynyń saldarynan birneshe óńirde orman otqa orandy. Beisenbi kúngi jaǵdai boiynsha, órttiń barlyq tutaný oshaqtary baqylaýǵa alyndy.
