قازٸرگٸ كەزدە تٷركييانىڭ قانداي دا بٸر ەلدٸ مەكەندەرٸنە قاۋٸپ تٶندٸرٸپ تۇرعان ورمان ٶرتٸ جوق. بۇل تۋرالى تٷركييانىڭ اۋىل جەنە ورمان شارۋاشىلىعى مينيسترٸ بەكير پاكدەميرلي مەلٸم ەتتٸ, دەپ حابارلايدى "ۇلت اقپارات" «انادولى» اقپارات اگەنتتٸگٸنە سٸلتەمە جاساپ.
«جالپى العاندا, مۇعلاداعى بارلىق ورمان ٶرتٸمەن بايلانىستى جاعداي جاقسارىپ كەلەدٸ», - دەپ مەلٸمدەدٸ پاكدەميرلي وڭتٷستٸك-باتىستاعى مۇعلا پروۆينتسيياسىندا ٶتكەن بريفينگتە.
ونىڭ ايتۋىنشا, مۇعلادا 16 ورمان ٶرتٸ بولىپ, جالىنمەن كٷرەسكە التى ۇشاق, 39 تٸكۇشاق, 630 سۋارۋ ماشيناسى, 128 ەكسكاۆاتور جەنە سالالىق قىزمەتتەردٸڭ 3600 قىزمەتكەرٸ جۇمىلدىرىلعان.
مينيستر تابيعي اپات سالدارىنان ٶرتەنٸپ كەتكەن اۋماقتار قالپىنا كەلتٸرٸلەتٸنٸنە سەندٸردٸ.
ب.پاكدەميرلي سونداي-اق ٶرتتەن زارداپ شەگٸپ وتىرعان گرەكيياعا جالىن وشاقتارىن سٶندٸرۋگە كٶمەكتەسۋگە دايىن ەكەنٸن مەلٸم ەتتٸ. مينيستردٸڭ ايتۋىنشا, تٷرٸك بيلٸگٸ كٶرشٸلەس ەلگە ٶرت سٶندٸرۋ ۇشاقتارىن جٸبەرۋ مەسەلەسٸن قاراستىرۋدا.
«بٸز مەسەلەنٸ باعالاپ وتىرمىز. تٷركيياداعى ورمان ٶرتٸن سٶندٸرٸپ, مٷمكٸندٸگٸمٸز بولسا, گرەكييا ەلٸنە قول ۇشىن سوزامىز», - دەپ مەلٸمدەدٸ ول.
ايتا كەتەيٸك, بۇعان دەيٸن قازاقستان پرەزيدەنتٸ قاسىم-جومارت توقاەۆ تٷركييا پرەزيدەنتٸ رەجەپ تايىپ ەردوعانعا جەدەلحات جولداپ, وندا قازاقستان باۋىرلاس تٷرٸك حالقىنا گۋمانيتارلىق كٶمەك كٶرسەتۋگە دايىن ەكەنٸن اتاپ ٶتكەن بولاتىن.
ال 7 تامىز كٷنٸ قر تٶتەنشە جاعدايلار مينيسترلٸگٸ تٷركيياعا ٶرت سٶندٸرەتٸن ەكٸ ارنايى تٸكۇشاق پەن 16 قۇتقارۋشىنى جٸبەردٸ.
