تٷركيياداعى قوناقٷيلەردەن تۋريستەر شۇعىل كٶشٸرٸلۋدە

فوتو: canva

اقپارات قۇرالدارى مەن كۋەگەرلەردٸڭ مەلٸمەتٸنشە, قوناقٷيلەردٸڭ پەرسونالى جالاقى تٶلەۋدٸ تالاپ ەتٸپ, تۋريستەرگە قىزمەت كٶرسەتۋدەن باس تارتقان, دەپ حابارلايدى inbusiness.kz سايتى.

"تٷركييانىڭ قوناقٷيلەرٸندە قىزمەتكەرلەردٸڭ نارازىلىق اكتسييالارى جٷرۋدە. وسىنىڭ قارساڭىندا تۋريستەر تٷركييالىق سيدەدەگٸ Side Win Hotel قوناقٷيٸندە پروبلەمالار تۋىنداعانىن ەڭگٸمەلەدٸ. سودان كەيٸن جەرگٸلٸكتٸ اقپارات قۇرالدارى كۋشاداسىنداعى تاعى بٸر وتەلدە – Vav-داعى قارسىلىق شارالارى تۋرالى حابارلادى. العاشقىسىنان ايىرماشىعى سول, ەكٸنشٸ قوناقٷي تۋرالى تمد نارىعى كٶپ بٸلە بەرمەيدٸ", – دەپ مەلٸم ەتتٸ Profi.Travel.

سونداي-اق سولتٷستٸك كٶرشٸنٸڭ اقپارات قۇرالدارى Side Win قوناقٷيٸندە تۋريستەردٸڭ تاماقسىز, سۋسىز جەنە ەلەكتر قۋاتىنسىز قالعانىن ايتىپ, دابىل قاقتى. بۇعان قوناقٷي كەشەنٸنٸڭ ٶز قىزمەتكەرلەرٸنە قارىز بولىپ قالۋى جەنە سوعان بايلانىستى پەرسونالدىڭ ەرەۋٸل ٶتكٸزۋٸ ىقپال ەتٸپتٸ.

"بٸزدٸڭ قوناقٷيدە نارازىلىق شارالارى بيىلعى شٸلدەدە باستالدى. بٸز Side Win-دە سول كەزدە توقتاعان ەدٸك. پەرسونالعا دەگەن كٶزقاراس ٶتە-مٶتە ناشار بولدى. كٶبٸسٸ جۇمىستان كەتٸپ قالىپ جاتتى. سالدارىنان, مىسالى, پلياجداعى بار بٸر كٷن جۇمىس ٸستەمەدٸ", – دەيدٸ قازاقستاندىق سۆەتلانا ەسٸمدٸ ساياحاتشى.

رەسەيلٸك تۋريست كاتەرينا اتالعان قوناقٷيگە 20 تامىزدا تٷسكەن ەكەن.

"ٶزٸمٸزدٸ كەپٸلدە قالعان ادامداي سەزٸندٸك. تاماق تا, ىدىس تا بەرمەدٸ. تٸپتٸ قاراپايىم شىرىن مەن كوفە دە ۇسىنا المادى. جارىقسىز وتىردىق. ۋاقىتىلى تازالاماعاندىقتان, قوناقٷيدٸڭ ٸشٸ مەن اۋلاسى تەز لاستانىپ, قوقىسقا تولدى. بٸز ٶزٸمٸزدٸ باسقا قوناقٷيگە اۋىستىرۋدى جالىنا سۇرادىق, بٸراق كٶشٸرۋ ٷشٸن 600 دوللار قوسىمشا تٶلەۋ كەرەكتٸگٸن مەلٸمدەدٸ. ەرٸ ەرتە Check out جاساعانىمىز ٷشٸن ايىپپۇل تٶلەيتٸنٸمٸزدٸ ايتتى. قورقىنىشتى تٷستەي بولدى. جانايقايىمىزعا ەشكٸم قۇلاق اسپادى", – دەپ شاعىمدانادى كاتەرينا.

ونىڭ وتباسى شىعىپ كەتٸپ بارا جاتقاندا اۆتوبۋس تولى رەسەيلٸكتەردٸڭ كەزەكتٸ لەگٸ كەلٸپ جەتٸپتٸ. رەسەيلٸك تۋريست تە ەرەۋٸل تۋرالى سٶز قوزعادى: ٶيتكەنٸ شىنىندا پەرسونالدىڭ ٷلكەن بٶلٸگٸ ورنىندا بولعان, بٸراق جۇمىس ٸستەۋدەن, قىزمەت كٶرسەتۋدەن باس تارتقان. مۇنى 3 ايدان بەرٸ جالاقى المايتىنىمەن جەنە قوناقٷيدە ازىق-تٷلٸك پەن كەرەك-جاراقتىڭ قورى تاۋسىلعانىمەن تٷسٸندٸرٸپتٸ.

"تٷنگٸ ساعات 2-دە توسىننان ٶرت دابىلى ٸسكە قوسىلدى. زەرەمٸز ۇشتى. جارىق ٶشٸپ قالىپتى. ەلەكتر بٸرنەشە كٷن بويى بولمادى. تاڭعى اس ٸشۋگە اسحاناعا تٷسسەك, ەشقانداي تاماق جوق. ٷستەلدەرگە باتوندار عانا قويىلعان. تٸپتٸ ونى تاماقتان ەرٸ جىلجىتۋعا سۋ دا بەرمەدٸ. بٸزدٸڭ تٷسٸنۋٸمٸزشە, قوناقٷيدە ەرەۋٸل باستالدى. تاڭەرتەڭ جاڭادان كەلٸپ جەتكەن تۋريستەر بٶلمەلەرٸنە ورنالاسا المادى. بار سۇراققا بٸر قىز شىعىپ: "I don't know" دەپ قانا جاۋاپ قاتادى", – دەدٸ TourDom.ru تٸلشٸسٸنە ەكاتەرينبۋرگتەن كەلگەن ەكٸ بالانىڭ اناسى ەكاتەرينا.

باسقا بٸر قوناقتىڭ پٸكٸرٸنشە, ەلەكتردٸ قىزمەتكەرلەر ٶشٸرمەگەن, كوممۋنالدىق اقىسىن ۋاقىتىلى تٶلەمەگەنٸ ٷشٸن قوناقٷي 26 تامىزدا ەلەكتردەن اجىراتىلىپتى. سودان سوڭ پەرسونال جۇمىسقا شىقپاي قويعان. سەبەبٸ ەلەكترسٸز ٸس ٶنبەيدٸ, تٸپتٸ تاماق تا پٸسٸرە المايدى.

ەكاتەرينانىڭ مەلٸمەتٸنشە, قوناقٷيدەگٸ پروبلەمالار كەم دەگەندە 21 تامىزدا باستالعان كٶرٸنەدٸ. تٶرتجۇلدىزدى بۇل قوناقٷيگە نەگٸزٸنەن ورىس تٸلدٸ ساياحاتشىلار توقتايتىن كٶرٸنەدٸ.

تۋريستەر جاپپاي تٶل تۋراگەنتتٸكتەرٸنە ارىزداندى. ولاردىڭ كٶبٸ ٶز كليەنتتەرٸن Side Win Hotel-دەن باسقا قوناقٷيلەرگە ٶز ەسەبٸنەن كٶشٸرٸپتٸ. كەيبٸرٸ ەرەۋٸلدٸڭ فورس-ماجور جاعداي ەكەنٸن العا تارتىپ, بۇلاي جاساۋدان باس تارتقان, نەمەسە قوسىمشا اقى تالاپ ەتكەن.

ٶز كەزەگٸندە ساياحاتشىلاردى ورنالاستىرعان تۋروپەراتورلار ەرەۋٸل جايلاعان قوناقٷيلەردەگٸ تىنىعۋشىلاردىڭ مەسەلەسٸ قالاي شەشٸلگەنٸن انىقتادى.  

"بٷگٸندە Side Win قوناقٷيٸ شتاتتىق رەجيمدە جۇمىس ٸستەپ تۇر. ٷلكەن ەرەۋٸل بولدى دەۋ قيىن. تەك بٸرنەشە ادام نارازىلىق بٸلدٸرٸپ, جۇمىستان شىعىپ كەتكەن. سالدارىنان تەحنيكالىق اقاۋ ورىن الدى", – دەيدٸ "ينتۋريست" تۋروپەراتورىنىڭ انتاليياداعى قابىلداۋشى كەڭسەسٸنٸڭ قوناقتارمەن جۇمىس جٶنٸندەگٸ مەنەدجەرٸ سابينا الەف.

تۋروپەراتورلار بۇل قوناقٷيدەگٸ بارلىق تۋريستەردٸ باسقا جاققا كٶشٸرگەندەرٸن مەلٸم ەتتٸ. تامىز ايى – تۋريستەردٸڭ لەگٸ جوعارى بولاتىن ماۋسىم سانالاتىندىقتان, ٶزگە قوناقٷيلەردە بوس ورىن تابۋ قيىنعا اينالىپتى.

سوندىقتان تۋريستەردٸ الانييادان كەمەرگە دەيٸنگٸ ەرتٷرلٸ ٶڭٸرلەرگە بٶلۋگە تۋرا كەلگەن. كومپانييالار قوناقتاردىڭ بەرٸنە دەمالىستىڭ جاقسى شارتتارى ۇسىنىلعانىنا سەندٸردٸ. سونىمەن بٸرگە بۇل شارا تەك بٸرنەشە كٷنگە عانا سوزىلعانىن ناقتىلادى.

"قوناقتاردى كٶشٸرۋگە مەن ٶزٸم جەكە ارالاستىم. ەندٸ Side Win قوناقٷيٸ جۇمىسىن جالعاستىردى. بٷگٸن ٶزٸم بارىپ, قاراپ, تەكسەردٸم. تاماق بار, ەلەكتر بار. قوناقٷي جاڭا پەرسونالدى قابىلداپ جاتىر. ەرتەڭ قايتادان بارىپ, باقىلايتىن بولامىن", – دەدٸ قابىلداۋشى كومپانييانىڭ قىزمەتكەرٸ سابينا.

ەرەۋٸلدەر تۋرالى تٷرٸكتٸڭ Turizm Ajansi باسىلىمى دا حابارلادى. ونىڭ مەلٸمەتٸنشە, قىزمەتكەرلەرٸ بٸرنەشە اي بويى جالاقى الماعاندىقتان, كۋشاداسى اۋدانىندا ورنالاسقان Vav وتەلٸندە دە قارسىلىق اكتسيياسى باستالعان.

تٷركييالىق اقپارات قۇرالى ٶز رەپورتاجىندا "ەرەۋٸل" (iş bırakma eylemi) دەگەن سٶزدٸ قولداندى. وقيعا ورنىنا تەرتٸپ ساقشىلارى اتتانعان.

"Kuşadası اۋدانىنداعى قوناقٷيدە جالاقى داعدارىسى ورناپتى. ايدىن پروۆينتسيياسىنداعى كۋشاداسى قالاسىندا ورنالاسقان "ۆاۆ" قوناقٷيٸنٸڭ قىزمەتكەرلەرٸ بٸرنەشە ايلىق جالاقىلارىن الماعان سوڭ, ەرەۋٸلگە شىقتى. قىزمەت كٶرسەتۋدٸڭ توقتاتىلۋىنا بايلانىستى قوناقٷيدە تۇرعان قوناقتار دەمالىستارىن قىسقارتۋعا مەجبٷر بولدى. ەرەۋٸل بارىسىندا 130-عا جۋىق قىزمەتكەرٸ بار قوناقٷيدە قىزمەت كٶرسەتۋ دوعارىلدى جەنە بۇدان قوناقتارى قينالدى", – دەپ جازدى Turizm Ajansi.

باسىلىم مۇنىڭ شاعىن قوناقٷي ەمەستٸگٸن, 60 000 شارشى مەتر اۋماقتى الىپ جاتقان كەشەن ەكەنٸن نۇسقادى. ٶز كەزەگٸندە قوناقٷيدٸڭ قىزمەتكەرلەرٸنە باسشىلىق: "ەكونوميكالىق داعدارىس سالدارىنان تٶلەم جاساي المايمىز!" دەپ جالتارىپ, جالاقى تٶلەۋدەن باس تارتىپتى.

بۇل تٷسٸنٸكتەمە پەرسونالدى قاناعاتتاندىرمادى. قىزمەتكەرلەر قوناقتاردىڭ كٶپ كەلگەن جاعدايىندا قارجىنىڭ جوقتىعىنا سەنبەيدٸ.

"نارازىلىق اكتسيياسى كەزٸندە قوناقٷيدە سۋ بەرۋ توقتاتىلدى, كونديتسيونەر جۇمىس ٸستەمەي قالدى. تاماق بەرۋ, بٶلمەلەردٸ تازالاۋ سيياقتى قىزمەتتەر دوعارىلعان. كٶپتەگەن تۇتىنۋشىلارعا دەمالىسىن ٷزٸپ, قوناقتارمەن جۇمىس بٶلٸمٸندە تٷسٸنٸكتەمە مەن كٶمەك الۋ ٷشٸن ۇزىن-سونار كەزەك قۇرۋعا تۋرا كەلدٸ. اقشاسىن كەرٸ قايتارۋدى سۇراعان قوناقتارعا قاراجاتىنىڭ كەيٸن تٶلەنەتٸنٸ ۋەدە ەتٸلدٸ. ەندٸ جالاقىسىن الا الماعان قىزمەتكەرلەر سوتقا شاعىم بەرۋگە دايىندالىپ جاتىر. شيەلەنٸس كٷشەيگەن سوڭ قوناقٷيگە پوليتسييا جٶنەلتٸلدٸ. كٷش قۇرىلىمدارى جاعدايدىڭ ۋشىعۋىنا جول بەرمەۋ ٷشٸن جۇمىس ٸستەدٸ", – دەپ حابارلادى تٷركييالىق باسىلىم.

بۇدان بۇرىن تٷركيياداعى وتەلەرلەر سالادا پروبلەما قوردالانىپ جاتقانى تۋرالى بٸرنەشە رەت مەسەلە كٶتەرٸپ, دابىل قاققان ەدٸ. ەلدە ينفلياتسييا 50 پايىزعا دەيٸن باردى, شٸلدەدە 33,52%-عا تٷستٸ, بٸراق ەلدە جىل سايىن ەلەمدەگٸ ەڭ جوعارى ينفلياتسييانىڭ بٸرٸ تٸركەلۋدە.

وسىعان بايلانىستى قوناقٷيلەر باعالارىن ينفلياتسييا كٶلەمٸنە يندەكستەپ, ٷنەمٸ كٶتەرە المايدى. وندا تۋريست اتاۋلىدان ايرىلىپ قالادى. مىسالى, تٷركيياداعى دەمالىس قىمباتتاپ, قولجەتٸمسٸز بولا باستاعاندىقتان, قازاقستاندىقتار مىسىر, بٸرٸككەن اراب ەمٸرلٸكتەرٸ مەن دۋباي,  ۆەتنام سيياقتى باسقا باعىتتاردى جيٸ تاڭداي باستادى.

سودان تٷركييالىق بٸرقاتار قوناقٷيلەر امالسىز, ەرتٷرلٸ شىعىس بابىنان ٷنەم قىلادى. سونىڭ ٸشٸندە پەرسونالدىڭ جالاقىسىن جوعارىلاتپايدى, تٸپتٸ كەشٸكتٸرٸپ تٶلەيدٸ.

ەيتسە دە, ەرەۋٸلدەر – تٷركيياداعى جاپپاي كٶرٸنٸس ەمەستٸگٸن, ٸشٸنارا بولعان جاعداي ەكەنٸن ناقتىلاعان جٶن. كەمەلٸنە جەتكٸزٸلگەن all inclusive ارقاسىندا مول داستارحان, سونداي-اق كٶركەم جاعاجاي, جايلى اۋا رايى, جوعارعى سەرۆيس جىل سايىن ميلليونداعان ساياحاتشىنىڭ تٷركيياعا اسىعا اعىلۋىنا سەپتەسەدٸ.

وسىنىڭ ارقاسىندا باۋىرلاس بۇل ەل تۋريزم تارتىمدىلىعى جٶنٸنەن جاھاندىق بەستٸكتەن تابىلىپ كەلەدٸ. 2024 جىل قورىتىندىسىندا فرانتسيياعا – 102 ميلليون, يسپانيياعا – 93,8 ملن, اقش-قا – 72,4 ملن, تٷركيياعا – 60,6 ملن جەنە يتاليياعا – 57,7 ملن تۋريست بارعان.