فوتو: سىرتقى ٸستەر مينيسترلٸگٸنٸڭ باسپاسٶز قىزمەتٸ
قازاقستان سٸم رەسمي ٶكٸلٸ ايبەك سماديياروۆ استانادا ٶتكەن بريفينگٸدە تٷركييادا زارداپ شەككەندەر بويىنشا سوڭعى مەلٸمەتتەردٸ بٶلٸستٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"تٷركيياداعى جويقىن جەر سٸلكٸنٸسٸنەن كەيٸن قازاقستاننىڭ سىرتقى ٸستەر مينيسترلٸگٸنە جەنە شەت ەلدەردەگٸ مەكەمەلەرٸنە قر ازاماتتارىنان 1200-دەن استام ٶتٸنٸش كەلٸپ تٷستٸ. اتقارىلعان جۇمىستىڭ نەتيجەسٸندە جەر سٸلكٸنٸسٸ كەزٸندە اپات ايماعىندا قالىپ قويعان 190-نان استام وتانداسىمىزدىڭ ورنالاسقان جەرٸ انىقتالدى.
قيراعان ينفراقۇرىلىمدى, اپاتتى جاعدايدى جەنە تۇرعىن ٷيلەردٸڭ تولىق بۇزىلۋىن ەسكەرە وتىرىپ, بٸزدٸڭ ديپلوماتتاردىڭ كٶمەگٸمەن وتانداستارىمىزدى قاۋٸپسٸز جەرلەرگە (انكارا جەنە ستامبۋل قالالاردا) جەتكٸزۋ ٷشٸن اۆتوبۋستار ۇيىمداستىرىلدى, ولارعا تاماق جەنە باسپانا بەرٸلدٸ. قاراجاتى جوق كەيبٸر ازاماتتارعا قازاقستانعا دەيٸن ەۋە بيلەتتەرٸن ساتىپ الۋعا جەردەم كٶرسەتٸلدٸ" - دەدٸ سٸم باسپاسٶز حاتشىسى.
ونىڭ سٶزٸنشە, وتانىنا ورالۋعا نيەت بٸلدٸرگەن 78 ازاماتىمىز اپات اۋداندارىنان گۋمانيتارلىق ەۋە كەمەلەرٸمەن استانا جەنە الماتى قالالارىنا جەتكٸزٸلگەن.
"وسى بورتتارمەن قازاقستانعا 24 قىرعىزستان ازاماتى جەنە ەلگە ورالعان وتانداستارىمىزدىڭ وتباسى مٷشەلەرٸ بولىپ تابىلاتىن 5 تٷركييا ازاماتى جەتكٸزٸلدٸ. ولار مينيسترلٸك جەنە جەرگٸلٸكتٸ ەكٸمدٸكتەردٸڭ كٶمەگٸمەن كٶلٸكپەن قامتاماسىز ەتٸلدٸ, سونداي-اق باسپاناعا مۇقتاج ازاماتتار الماتى جەنە استاناداعى قوناق ٷيلەرگە ورنالاستىرىلدى.
2023 جىلعى 8 اقپاندا تٷركييا قۇتقارۋشىلارى ٸزدەۋ جۇمىستارىنىڭ نەتيجەسٸندە حاتاي پروۆينتسيياسىنىڭ انتاكيا قالاسىندا قازاقستان ازاماتى سابينا مامادياروۆانى قيراعان ٷيدٸڭ استىنان تاۋىپ, شۇعىل تٷردە ادانا قالاسىنداعى «Ceyhan» اۋرۋحاناسىنا جەتكٸزدٸ. ٶزدەرٸڭٸز بٸلەتٸندەي, ونىڭ زاقىمدالعان قولىنا وپەراتسييا جاسالدى. بٸزدٸڭ انتاليياداعى باس كونسۋلىمىز وعان جەكە بارىپ قايتىپ, دەرٸگەرٸمەن سٶيلەستٸ. قازٸر ول ەلٸ دەرٸگەرلەردٸڭ باقىلاۋىندا, جانىندا تۋىستارى بار" - دەدٸ ايبەك سماديياروۆ.
سونىمەن قاتار, قازا تاپقان وتانداستارىمىزدىڭ تۋىستارىنا مەيٸتتەردٸ ەلگە جەتكٸزۋگە كٶمەك كٶرسەتٸلگەن.
"بٷگٸنگٸ تاڭدا تٷركييادا جەر سٸلكٸنٸسٸ سالدارىنان جوعالعان قر ازاماتتارى تۋرالى قوسىمشا اقپارات كەلٸپ تٷسكەن جوق. دەگەنمەن ديپلوماتتارىمىز جەرگٸلٸكتٸ بيلٸكپەن بايلانىستا جەنە قازا تاپقاندار مەن زارداپ شەككەندەردٸڭ تٸزٸمدەرٸن مۇقييات تەكسەرٸپ كەلەدٸ" - دەپ تٷيٸندەدٸ سٸم رەسمي ٶكٸلٸ.
