ىستامبۇلدا تەراكت جاسادى دەپ ايىپتالعان كٷدٸكتٸ سيرييانىڭ كوباني قالاسىندا اقش ەسكەريلەرٸ ساباق بەرگەن كٷردٸستان جۇمىسشى پارتيياسىنىڭ (كجپ) بارلاۋ مەكتەبٸندە وقىعان, دەپ حابارلايدى Azattyq Ruhy اگەنتتٸگٸ ريا نوۆوستيگە سٸلتەمە جاساپ.
«ەلباشير جاۋاپ الۋ كەزٸندە كجپ-نىڭ سيرييالىق بٶلٸمشەسٸمەن بايلانىسى بار ەكەنٸن مويىندادى. تەرروريست ٶزٸنٸڭ اين ەل-ارابتاعى (كوباني) كجپ بارلاۋ مەكتەبٸندە وقىعانىن, سيريياداعى امەريكالىق ساربازدار دا ساباق بەرگەن مەكەمەدە ونى ارنايى بارلاۋ وفيتسەرٸ رەتٸندە دايىنداعانىن مەلٸمدەدٸ», - دەپ حابارلايدى تٷركييانىڭ Yeni Şafak باسىلىمى.
كٷدٸكتٸ ٶزٸنە نۇسقاۋلىق بەرٸپ وتىرعان اين ەل-ارابتاعى كجپ/YPG/SDG ۇيىمى جەتەكشٸسٸنٸڭ سەنٸمدٸ ادامىمەن بايلانىستارى تۋرالى دا ايتىپ بەرگەن. تيٸستٸ نۇسقاۋلاردى ورىنداعان بويجەتكەن تٶرت اي بۇرىن افرين ادليب ارقىلى تٷركيياعا زاڭسىز كٸرگەن. پوليتسييا انىقتاعانداي, ول كٷدٸك تۋدىرماس ٷشٸن ۇيىمنىڭ بٸر ٶكٸلٸمەن ەرلٸ-زايىپتىلارعا ۇقساپ, ىستامبۇلدا ەركٸن جٷرگەن.
ايتا كەتەرلٸگٸ, تٷركييادا كٷردٸستاننىڭ جۇمىسشىلار پارتيياسىنا تىيىم سالىنعان.
ەسكە سالساق, جەكسەنبٸ كٷنٸ ىستامبۇل ورتالىعىنداعى جاياۋ جٷرگٸنشٸلەرگە ارنالعان يستيكلال كٶشەسٸندە جارىلىس بولىپ, 6 ادام قازا تاپقان بولاتىن, سونداي-اق 81 ادام جارالاندى. لاڭكەستٸك ٸسكە كٷدٸكتٸ احلام ەلباشير ەسٸمدٸ بويجەتكەن ۇستالىپ, كجپ-مەن بايلانىسى بارىن مويىندادى. ٸشكٸ ٸستەر مينيسترلٸگٸنٸڭ مەلٸمەتٸنشە, شابۋىل جاساۋ تۋرالى بۇيرىق سيرييامەن شەكارالاس كوباني قالاسىنان تٷسكەن.
تٸنتۋ كەزٸندە بويجەتكەننەن تٶلقۇجات, ٸرٸ كٶلەمدەگٸ اقشا, تسيفرلىق قۇرىلعىلار مەن تەراكت ۇيىمداستىرۋ تۋرالى ماتەريالدار تابىلدى. سونداي-اق 21 مەكەنجايدا تٸنتۋ جۇمىستارى جٷرگٸزٸلٸپ, قاۋٸپسٸزدٸك كٷشتەرٸ بارلىعى 50 ادامدى قولعا تٷسٸرگەن.
ولار ەلباشيردٸ گرەكيياعا جٸبەرۋگە ۋەدە بەرگەنٸمەن, پوليتسييا قولىنداعى اقپاراتقا سەيكەس, شابۋىلدى ۇيىمداستىرۋشىلار قىزدى ىستامبۇلدا ٶلتٸرمەك بولعان.
بٸر كٷن بۇرىن تٷركييانىڭ ٸشكٸ ٸستەر مينيسترٸ سٷلەيمان سويلۋ انكارانىڭ لاڭكەستٸك وقيعاعا بايلانىستى ۆاشينگتوننىڭ كٶڭٸل ايتۋىن قابىلدامايتىنىن ايتىپ, شابۋىلدىڭ قاي جەردە ٷيلەستٸرٸلگەنٸن بٸلەتٸنٸن جەنە تٷركييانىڭ «بۇدان بىلاي مۇنداي وپاسىز ەرەكەتتەرگە ەش تٶزبەيتٸنٸن مەلٸمدەگەن بولاتىن.
