فوتو: Reuters
تٷركييادا الاپات جەر سٸلكٸنٸسٸ سالدارىنان قازا بولعان تاعى بٸر قازاقستاندىقتىڭ دەنەسٸ تابىلدى, - دەپ حابارلايدى "ۇلت اقپارات" سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"10 اقپاندا تٷركييانىڭ وڭتٷستٸك-شىعىسىنداعى كاحرامانماراش قالاسىندا قۇتقارۋ-ٸزدەستٸرۋ جۇمىستارى بارىسىندا ەيەلدٸڭ دەنەسٸ تابىلدى. الماتىدان كەلگەن تۋىستارى ونى - قر ازاماتى جانار جاقسىبەكوۆا دەپ تانىدى", - دەلٸنگەن حابارلامادا.
قازاقستاندىق ديپلوماتتار قازا تاپقان ەيەلدٸڭ دەنەسٸن كاحرامانماراشتان انتاليياعا جەنە ودان ەرٸ الماتىعا جەتكٸزۋگە, سونداي-اق, قاجەت قۇجاتتاردى رەسٸمدەۋگە كٶمەكتەسكەن. مارقۇمنىڭ دەنەسٸ تالدىقورعان قالاسىنا جەتكٸزٸلگەن.
"تاسىمالداۋ بويىنشا بارلىق شىعىندى مەملەكەت ٶز موينىنا الدى. سونىمەن قاتار, Pegasus تٷرٸك اۆياكومپانيياسىمەن قازا تاپقان قر ازاماتىنىڭ بٸرگە كەلگەن تۋىستارىنا 90 پايىزدىق جەڭٸلدٸك بەرۋ تۋرالى ۋاعدالاستىققا قول جەتكٸزٸلدٸ", - دەلٸنگەن ۆەدومستۆو حابارلاماسىندا.
ەسكە سالايىق, 8 اقپاندا تٷركييانىڭ قازاقستانداعى ەلشٸسٸ تٶرت قازاقستاندىق ٸز-تٷزسٸز جوعالعانىن حابارلادى. سول كٷنٸ ٷيٸندٸ استىنان قازاقستاندىق سابينا مامادياروۆا قۇتقارىلدى.
بەيسەنبٸ كٷنٸ قازاقستاندىق قۇتقارۋشىلار انتاكيادا تولىعىمەن قيراعان التى قاباتتى عيماراتتىڭ ٷيٸندٸسٸن تازارتۋ كەزٸندە قازاقستان ازاماتى ەدٸل قادىربەكوۆتٸڭ دەنەسٸن تاپتى. كەيٸنٸرەك ەكٸنشٸ قازاقستاندىق ميربولات قۇرماشەۆتىڭ دەنەسٸ تابىلدى.
