Foto: Reuters
Túrkiiada alapat jer silkinisi saldarynan qaza bolǵan taǵy bir qazaqstandyqtyń denesi tabyldy, - dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
"10 aqpanda Túrkiianyń ońtústik-shyǵysyndaǵy Kahramanmarash qalasynda qutqarý-izdestirý jumystary barysynda áieldiń denesi tabyldy. Almatydan kelgen týystary ony - QR azamaty Janar Jaqsybekova dep tanydy", - delingen habarlamada.
Qazaqstandyq diplomattar qaza tapqan áieldiń denesin Kahramanmarashtan Antaliiaǵa jáne odan ári Almatyǵa jetkizýge, sondai-aq, qajet qujattardy rásimdeýge kómektesken. Marqumnyń denesi Taldyqorǵan qalasyna jetkizilgen.
"Tasymaldaý boiynsha barlyq shyǵyndy memleket óz moinyna aldy. Sonymen qatar, Pegasus túrik aviakompaniiasymen qaza tapqan QR azamatynyń birge kelgen týystaryna 90 paiyzdyq jeńildik berý týraly ýaǵdalastyqqa qol jetkizildi", - delingen vedomstvo habarlamasynda.
Eske salaiyq, 8 aqpanda Túrkiianyń Qazaqstandaǵy elshisi tórt qazaqstandyq iz-túzsiz joǵalǵanyn habarlady. Sol kúni úiindi astynan qazaqstandyq Sabina Mamadiarova qutqaryldy.
Beisenbi kúni qazaqstandyq qutqarýshylar Antakiada tolyǵymen qiraǵan alty qabatty ǵimarattyń úiindisin tazartý kezinde Qazaqstan azamaty Ádil Qadyrbekovtiń denesin tapty. Keiinirek ekinshi qazaqstandyq Mirbolat Qurmashevtyń denesi tabyldy.
